استانادا اناسىنا بىلاپىت سويلەگەن جىگىت 6 جىلعا سوتتالدى
استانا. KAZINFORM - استانادا اناسىنا بىلاپىت ءسوز ايتىپ، كامەلەتكە تولماعان جاسوسپىرىمگە پىشاق الا جۇگىرگەن تۇرعىنعا جازا تاعايىندالدى.

استانا قالاسىنىڭ قىلمىستىق ىستەر جونىندەگى اۋدانارالىق سوتى دەنساۋلىققا زيان كەلتىرۋ ءۇشىن ارنايى لايىقتالعان زاتتى پايدالانا وتىرىپ كۇش قولدانۋ ارقىلى بۇزاقىلىق جاساعانى ءۇشىن (ق ك 293-بابىنىڭ 3-بولىگى) س. -عا قاتىستى ءىستى قارادى.
سوتتالۋشى س. , ءوز ءۇيىنىڭ اۋلاسىندا، الكوگولدىك ماساڭ كۇيىندە اناسىنان اقشا سۇراعان، اناسى ءوز كەزەگىندە اقشا جوق دەپ باس تارتقان.
س. , قوعامدىق ءتارتىپتى بۇزىپ، بۇزاقىلىق نيەتپەن بىلاپىت سويلەپ، جاقىن جەردە تۇرعان ورىندىقتى پودەزگە قاراي لاقتىرىپ جىبەرگەن.
وسى كەزدە كامەلەتكە تولماعان جابىرلەنۋشى ا. پودەزدەن شىعىپ، ەسكەرتۋ جاساعان.
س. , جاۋاپ رەتىندە شالبارىنىڭ قالتاسىنان پىشاعىن سۋىرىپ الىپ، جابىرلەنۋشىنىڭ دەنە ايماعىنان ءۇش رەت ۇرىپ، دەنساۋلىعىنا جەڭىل زيان كەلتىرگەن.
سوتتالۋشىنىڭ كىناسى ءوزىنىڭ، جابىرلەنۋشىنىڭ، جابىرلەنۋشىنىڭ زاڭدى وكىلىنىڭ، كۋالەردىڭ ايعاقتارىمەن، سوت- مەديتسينالىق ساراپتاماسىنىڭ قورىتىندىسىمەن، سونداي-اق بەينەباقىلاۋ كامەراسىنىڭ جازبالارىمەن دالەلدەنگەن.
پروكۋرور بۇرىنعى سوتتىلىعىن ەسكەرە وتىرىپ، ق ك 60-بابىنىڭ نەگىزىندە 6 جىل 2 اي مەرزىمگە باس بوستاندىعىنان ايىرۋ جازاسىن تاعايىنداۋدى سۇرادى.
قورعاۋشى تاراپ جابىرلەنۋشىگە دەنە جاراقاتىن كەلتىرۋ فاكتىسىن جوققا شىعارماي، كىناسىن ءىشىنارا مويىندادى، ءبىراق ءىس- ارەكەتتەرىن ق ك- ءنىڭ 293-بابى بويىنشا سارالاۋمەن كەلىسپەي، ارەكەتىن ق ك- ءنىڭ 108-1-بابىمەن قايتا سارالاۋدى سۇرادى.
جابىرلەنۋشىنىڭ زاڭدى وكىلى باس بوستاندىعىنان ايىرۋدىڭ ەڭ جوعارى جازاسىن تاعايىنداۋدى سۇرادى. ق ك 293-بابى 3-بولىگىنىڭ سانكتسياسى 5 جىلدان 7 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى.
جازا تاعايىنداۋ بارىسىندا سوت جەڭىلدەتەتىن ءمان-جاي دەپ، كىنانى ءىشىنارا مويىنداۋىن ەسكەردى.
سوتتالۋشىنىڭ الكوگولدىك ماساڭ كۇيدە بولعانى جانە وتەلمەگەن سوتتىلىعى بار بولعاندىقتان قىلمىستىڭ قاۋىپتى قايتالانۋى اۋىرلاتاتىن ءمان- جايلار رەتىندە قارالدى.
كامەلەتكە تولماعان جابىرلەنۋشىگە قاتىستى جاسالعان قىلمىستىڭ اۋىرلىعىن، جاۋاپتىلىقتى جەڭىلدەتەتىن جانە اۋىرلاتاتىن ءمان-جايلاردىڭ بولۋىن ەسكەرە وتىرىپ، سوت 6 جىل مەرزىمگە باس بوستاندىعىنان ايىرۋ جازاسىن تاعايىندادى.
سوتتالۋشىنىڭ وتەلمەگەن سوتتىلىعىن ەسكەرە وتىرىپ، ق ك 60-بابىنىڭ نەگىزىندە تۇپكىلىكتى 6 جىل 2 اي مەرزىمگە باس بوستاندىعىنان ايىرۋ جازاسى تاعايىندالىپ، قىلمىستىڭ ءقاۋىپتى قايتالانۋى بار دەپ تانىلدى.
مورالدىق زياننىڭ ورنىن تولتىرۋ رەتىندە 1 ميلليون تەڭگە ءوندىرىلدى.