استانادا اشىلاتىن حالىقارالىق جاساندى ينتەللەكت ورتالىعى تۋرالى نە بەلگىلى

الماتى. KAZINFORM - بيىل استانا قالاسىندا حالىقارالىق جاساندى ينتەللەكت ورتالىعىن اشۋ جوسپارلانىپ وتىر.

Жаслан Мәдиев
Фото: Александр Павский / Kazinform

Digital Almaty فورۋمى اياسىندا ق ر سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان مادييەۆ Alem.AI ورتالىعىنىڭ جۇمىسى تۋرالى ايتىپ بەردى.

- بيىل حالىقارالىق جاساندى ينتەللەكت ورتالىعى استاناداعى Expo بازاسىندا اشىلادى. ءبىز Astana Hub-تىڭ ءساتتى تاجىريبەسىن قايتالاپ، ادامداردىڭ بارلىق ساناتى ءۇشىن وقىتۋدىڭ مۇمكىندىگىن جاسايمىز. الداعى 5 جىلدا ءبىز 1 ميلليونعا جۋىق ادامدى وقىتۋدى جوسپارلاپ وتىرمىز. ودان بولەك جاساندى ينتەللەكت ستارتاپتارىنا ارنالعان كامپۋس، سونداي-اق ءىرى حالىقارالىق كومپانيالار ورنالاساتىن ورتالىق بولادى. قازىرگى ۋاقىتتا شەتەلدىك كومپانيالارمەن الدىن الا كەلىسىم بار. ولار مۇندا ءوز كەڭسەلەرى مەن زەرتحانالارىنا اشادى، - دەدى ول.

سونىمەن قاتار ۆەدومستۆو باسشىسىنىڭ ايتۋىنشا، Alem.AI ورتالىعىندا بيلىك جانە بيزنەس وكىلدەرىنەن، عالىمداردان توپ قۇرىلماق. ولار ج ي- ءدى ەكونوميكانىڭ بارلىق سالالارىنا ەندىرۋ جۇمىسىن جۇرگىزەدى. ال ورتالىقتىڭ وزىندە لەكسيا زالدارى، جاساندى ينتەللەكت مۋزەيى، ستۋدەنتتەر مەن وقۋشىلارعا ارنالعان قوعامدىق كەڭىستىك بولادى.

ەسكە سالايىق، بۇعان دەيىن الماتىنىڭ سيفرلىق ەگىزى 2026-جىلدىڭ سوڭىندا دايىن بولاتىنىن جازعانبىز.

سوڭعى جاڭالىقتار