استانادا اۋا رايىنا بايلانىستى قانشا رەيس كەشىكتىرىلىپ جاتىر
استانا. KAZINFORM - اۋا رايىنىڭ ناشارلاۋىنا بايلانىستى استانا حالىقارالىق اۋەجايىندا اۋە رەيستەرى كەشىكتىرىلىپ جاتىر، بۇل تۋرالى اۋەجايدىڭ باسپا ءسوز قىزمەتى حابارلادى.

قازىرگى ۋاقىتتا ۇشۋعا جوسپارلانعان 84 رەيستىڭ 6 اۋى، اۋە كەمەلەرىنىڭ كەش كەلۋىنە بايلانىستى، كەيىنگە قالدىرىلدى.
ۇشىپ كەلۋگە جوسپارلانعان 86 رەيستىڭ 8 ءى ءدال وسى سەبەپپەن كەشىكتىرىلدى.
كەشىگۋلەردىڭ كوپ بولىگى ۇشۋعا قولايسىز اۋا رايىنا بايلانىستى.
- اۋەجاي شتاتتىق رەجيمدە جۇمىس ىستەيدى. ۇشۋ قاۋىپسىزدىگىن قامتاماسىز ەتۋ ماقساتىندا پەررون مەن ۇشۋ- قونۋ جولاعىن تازالاۋ جۇمىستارى ۇنەمى جۇرگىزىلەدى. اۋەايلاقتىڭ ۇزدىكسىز جۇمىسىن قامتاماسىز ەتۋ ءۇشىن 23 دانا مامانداندىرىلعان تەحنيكا پايدالانىلادى، - دەلىنگەن حابارلامادا.
جولاۋشىلار رەيستەردىڭ كۇيىن جانە كەستەدەگى ىقتيمال وزگەرىستەردى تومەندەگى جولدار ارقىلى تەكسەرە الادى:
اۆياكومپانيالاردان
اۋەجايدىڭ رەسمي سايتىنان: www.nn-airport.kz
تاۋلىك بويى جۇمىس ىستەيتىن اۋەجايدىڭ بايلانىس ورتالىعى بويىنشا: 87172702999.
ايتا كەتەلىك 10-ناۋرىزدا قازگيدرومەت ەلدىڭ ءبىرقاتار وڭىرىندە، سونىڭ ىشىندە استانا مەن اقمولا وبلىسىندا دا داۋىلدى ەسكەرتۋ جاريالاعان ەدى.