استانادا 8-ناۋرىز مەرەكەسىنە وراي 36 مىڭ ايەل ادامعا ءبىرجولعى الەۋمەتتىك تولەم بەرىلەدى

استانا. قازاقپارات - 8-ناۋرىز - حالىقارالىق ايەلدەر كۇنىنە وراي، ەلوردادا 36 مىڭعا جۋىق كوپبالالى وتباسىلار، كوپبالالى انالار، ونىڭ ىشىندە الەۋمەتتىك از قامتىلعان انالار ءبىرجولعى الەۋمەتتىك تولەم الادى، دەپ حابارلايدى ەلوردا اكىمدىگىنىڭ رەسمي سايتى.

استانا قالاسى ءماسليحاتىنىڭ 2023 -جىلعى 3-قازانداعى № 84/10-VIII قاۋلىسىمەن بەكىتىلگەن ەلوردا بويىنشا الەۋمەتتىك كومەك كورسەتۋ، مولشەرلەمەلەرىن بەلگىلەۋ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋ قاعيدالارىنا سايكەس، 8-ناۋرىز - حالىقارالىق ايەلدەر كۇنىنە وراي كوپبالالى وتباسىلارعا، كوپبالالى انالارعا - 36 مىڭعا جۋىق ازاماتقا 2,5 ا ە ك (9830 تەڭگە) مولشەرىندە ءبىرجولعى الەۋمەتتىك كومەك بەرىلەتىن بولادى.

تولەم كوپبالالى وتباسىلارعا، كوپبالالى انالارعا، ونىڭ ىشىندە استانا قالاسىندا تىركەلگەن جانە تۇراقتى تۇراتىن الەۋمەتتىك از قامتىلعان انالارعا «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكسيونەرلىك قوعامىنىڭ الەۋمەتتىك تولەمدەر ورتالىعىنىڭ تىزىمدەرى نەگىزىندە جۇزەگە اسىرىلادى.

وسىعان دەيىن 8-ناۋرىز مەرەكەسىنە وراي تۇركىستاندىق كوپبالالى انالار ءبىر رەتتىك كومەك الاتىنى تۋرالى جازدىق.