استانادا 34 مىڭعا جۋىق كوپبالالى انا ءبىرجولعى الەۋمەتتىك تولەم الادى
استانا. KAZINFORM - حالىقارالىق 8-ناۋرىز ايەلدەر كۇنىنە وراي ەلوردادا 34 مىڭعا جۋىق كوپبالالى انالار ءبىرجولعى الەۋمەتتىك تولەم الادى، دەپ حابارلايدى استانا اكىمدىگىنىڭ رەسمي سايتى.
استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى 2023-جىلعى 3- قازانداعى 84/10-VIII جەرگىلىكتى بيۋجەتتەن استانا قالاسىنىڭ ماسليحاتىمەن بەكىتىلگەن استانا قالاسىندا الەۋمەتتىك كومەك كورسەتۋدىڭ، ونىڭ مولشەرلەرىن بەلگىلەۋدىڭ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋ قاعيداسىنا سايكەس، 8- ناۋرىز حالىقارالىق ايەلدەر كۇنىنە وراي استانا قالاسىنىڭ كوپ بالالى وتباسىلارىنا، كوپ بالالى انالارعا، ونىڭ ىشىندە از قامتىلعان انالار بولىپ تابىلاتىن 34 مىڭعا جۋىق ازاماتشاعا 2,5 ا ە ك (9230 تەڭگە) مولشەرىندە ءبىرجولعى الەۋمەتتىك كومەك تولەنەدى.
«تولەم «ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكسيونەرلىك قوعامىنىڭ الەۋمەتتىك تولەمدەر ورتالىعىنىڭ تىزىمدەرى نەگىزىندە استانادا تىركەلگەن جانە تۇراقتى تۇراتىن كوپ بالالى وتباسىلارعا، كوپ بالالى انالارعا، ونىڭ ىشىندە از قامتىلعان انالارعا جۇرگىزىلەدى»، - دەلىنگەن حابارلامادا.
