استانادا 33 قۇرىلىس نىسانىنىڭ جۇمىسى توقتاتىلدى

тұрғын үй құрылысы
Фото: Ақмола облысының прокуратурасы

 استانا. KAZINFORM - بۇگىنگى تاڭدا ەلوردادا رۇقسات قۇجاتتارى جوق 33 قۇرىلىس نىسانى بار.

بارلىق سۋبەكتىلەر جۇمىستاردى توقتاتا تۇرۋعا نۇسقامالار بەرىلىپ، اكىمشىلىك جاۋاپكەرشىلىككە تارتىلدى، دەپ حابارلايدى ەلوردا اكىمدىگىنىڭ رەسمي سايتى.

ايتا كەتۋ كەرەك، استانا قالاسىنىڭ قالالىق ورتانىڭ ساپاسىن باقىلاۋ جانە باقىلاۋ باسقارماسى 2023 -جىلى استانا قالاسىنىڭ مامانداندىرىلعان اۋدانارالىق ەكونوميكالىق سوتىنا قۇرىلىس-مونتاجداۋ جۇمىستارىن توقتاتۋ جانە بۇزۋ بويىنشا 115 تالاپ ارىز جولداعان، ونىڭ ىشىندە:

- 3 تالاپ- ارىز سوتتا قارالۋدا؛

- 26 تالاپ-ارىز ۇيعارىم تالاپتارىنىڭ ورىندالۋىنا بايلانىستى قاراۋسىز قالدىرىلدى؛

- 86 تالاپ-ارىز قاناعاتتاندىرىلدى؛

- 77 سوت شەشىمى استانا قالاسىنىڭ ادىلەت دەپارتامەنتىندە ورىندالادى.

سونداي- اق، قالادا «تۇرعىن ءۇي قۇرىلىسىنا ۇلەستىك قاتىسۋ تۋرالى» ق ر زاڭىنىڭ تالاپتارىن ساقتاۋ بويىنشا ءبىرقاتار تۇيتكىلدى ماسەلە بار. سونىمەن قاتار، قالا تۇرعىندارىن اقپاراتتاندىرۋ جانە زاڭنىڭ بۇزىلۋىنا جول بەرمەۋ ماقساتىندا اكىمدىكتىڭ رەسمي رەسۋرستارىندا جانە ب ا ق- تا ۇلەسكەرلەردىڭ اقشاسىن قابىلداۋعا قۇقىعى جوق قۇرىلىس سالۋشىلاردىڭ «قارا ءتىزىمى» جۇيەلى تۇردە جاريالانادى.

قۇرىلىس كومپانيالارى «تۇرعىن ءۇي قۇرىلىسىنا ۇلەستىك قاتىسۋ تۋرالى» قازاقستان رەسپۋبليكاسى زاڭىنىڭ (بۇدان ءارى - زاڭ) 7-بابىنا سايكەس ۇلەسكەرلەردىڭ قاراجاتىن قابىلداي الادى:

1. تۇرعىن ءۇي قۇرىلىسىنا ۇلەستىك قاتىسۋ مىناداي تاسىلدەردىڭ بىرىمەن ۇيىمداستىرىلادى:

1) تۇرعىن ءۇي قۇرىلىسىنىڭ ءبىرىڭعاي وپەراتورىنىڭ كەپىلدىگىن الۋ؛

2) ەكىنشى دەڭگەيلى بانكتىڭ جوباسىنا قاتىسۋ؛

3) تۇرعىن ءۇيدىڭ (تۇرعىن عيماراتتىڭ) قاڭقاسى سالىنعاننان كەيىن ۇلەسكەرلەردىڭ اقشاسىن قابىلداۋ.

2. تۇرعىن ۇيلەردى (تۇرعىن عيماراتتاردى) سالۋ ءۇشىن جەكە جانە زاڭدى تۇلعالاردىڭ اقشاسىن وسى باپتا كوزدەلمەگەن وزگە دە تاسىلدەرمەن قابىلداۋعا تىيىم سالىنادى.

قولدانىستاعى زاڭدى اينالىپ ءوتۋ تۋرالى مامىلە جاسالعان ادامدار استانا قالاسى، بەيبىتشىلىك كوشەسى، 9, 324-كابينەت مەكەنجايى بويىنشا ورنالاسقان «استانا قالاسى قالالىق ورتانىڭ باقىلاۋ جانە ساپا باسقارماسى» م م ۋاكىلەتتى ورگانىنا حابارلاسۋى كەرەك.

اۆتور

ەربول جانات

سوڭعى جاڭالىقتار