استانادا 31-جەلتوقسان كۇنى قانداي ءىس-شارالار وتەدى

استانا. قازاقستان – 31-جەلتوقسان كۇنى تۇستەن كەيىن استانانىڭ سەگىز ورنىندا قازاقستاندىق ەسترادا جۇلدىزدارى مەن شىعارماشىلىق ۇجىمداردىڭ قاتىسۋىمەن مەرەكەلىك جاڭا جىلدىق كونسەرتتەر وتەدى، دەپ حابارلايدى ەلوردا اكىمدىگىنىڭ رەسمي سايتى.

الماتى اۋدانىندا تاۋەلسىزدىك داڭعىلى بويىنداعى وقۋشىلار سارايىنىڭ اۋماعىندا، بايقوڭىر اۋدانىنىڭ اتاتۇرىك ساياباعىنىڭ اۋماعىندا، نۇرا اۋدانىنداعى ورتالىق ساياباقتا جانە سارىارقا اۋدانىنىڭ «كوكتال» ساياباعىندا ساعات 12.00 دەن 13.30 عا دەيىن مەرەكەلىك كونتسەرتتىك باعدارلامالار وتەدى.

سارايشىق اۋدانىندا پرومىشلەننىي تۇرعىن الابىندا جاڭا جىلدىق باعدارلاما ساعات 13.00 دەن 14.30 عا دەيىن وتەدى.

جاڭا جىل قارساڭىندا 31-جەلتوقساننان 1-قاڭتارعا دەيىن قالانىڭ ءۇش ورنىندا مەرەكەلىك ءىس-شارالار وتەدى.

31-جەلتوقساندا ساعات 21:00 دەن 02:00 گە دەيىن قالالىق الاڭدا (قالا اكىمدىگىنىڭ الدىندا)، «قازاق ەلى» مونۋمەنتى مەن ەكسپو الاڭىنىڭ اۋماعىندا قازاقستاندىق ەسترادا جۇلدىزدارى مەن شىعارماشىلىق ۇجىمداردىڭ قاتىسۋىمەن قالا تۇرعىندارى مەن قوناقتارى ءۇشىن جاڭا جىلدىق مەرەكەلىك كونسەرتتەر وتەدى.

ءىس-شارالارعا وتاندىق ەسترادا جۇلدىزدارى الماس كىشكەنبايەۆ، Ауree، ەركەش حاسەن، بەيبىت قورعان، قايرات باەكەنوۆ، زارينا وماروۆا، يلحان يحسان، قۇرماش ماحان، مارجان اراپبايەۆا، الىشەر كارىموۆ، سول سياقتى زامان جانە مەلومەن توپتارى جانە باسقا دا ارتىستەر قاتىسادى.

ايتا كەتەيىك، بۇعان دەيىن استانادا جاڭا جىلعا ارنالعان وتشاشۋ قايدا وتەتىنى انىقتالدى.