استانادا 16 مىڭنان استام بالا قىزىلشاعا قارسى ەكپە الدى
استانادا 6-قاراشادان باستاپ قىزىلشاعا قارسى جاپپاي يممۋنداۋ ءجۇرىپ جاتىر. 6 -قاراشا كۇنى 6 ايدان باستاپ، 10 اي 29 كۇنگە دەيىنگى سابيلەرگە جاپپاي قوسىمشا ۆاكتسينا ەگىلدى.
جەلتوقسان ايىنان باستاپ ولارعا 2-4 جاس ارالىعىنداعى بالالار قوسىلدى، دەپ حابارلايدى Kazinform اكىمدىككە سىلتەمە جاساپ.
ۆاكسينانى تىركەلگەن جەرى بويىنشا ەمحانالاردا تەگىن الۋعا بولادى. استانانىڭ باس مەملەكەتتىك سانيتار دارىگەرى سارحات بەيسەنوۆا قالانىڭ كوممۋنيكاتسيالار قىزمەتىندە وتكەن بريفينگتە ۆاكتسيناتسيا تۋرالى ايتىپ بەردى.
ەلوردادا 6-جەلتوقسان كۇنى بارلىعى 16447 ادام ۆاكتسيناتسيالاندى.
جاپپاي ۆاكسيناتسيا قالاداعى ەپيدەميولوگيالىق جاعدايدى تۇراقتاندىرۋعا مۇمكىندىك بەرەدى، دەپ اتاپ ءوتتى سانيتار دارىگەر.
«ءبىزدىڭ بۇگىنگى باستى مىندەتىمىز - قىزىلشادان بولاتىن ءولىم مەن اسقىنۋدىڭ الدىن الۋ. ۆاكسيناتسيا ينفەكتسيا وشاقتارىندا دا جۇرگىزىلەدى، وندا 1733 بايلانىسقان ادام ەكپە الدى، سونداي- اق قىزىلشاعا قارسى ەكپە الماعان 18 جاسقا دەيىنگى ادامدار انىقتالدى، بۇگىنگى كۇنى جىل باسىنان بەرى 14 374 ادام انىقتالدى، ونىڭ ىشىندە 12746 %88 ەكپە الدى»، - دەيدى سارحات بەيسەنوۆا.
سانيتار اۋرۋدىڭ العاشقى بەلگىلەرى بايقالعان بويدا دەرەۋ دارىگەر كومەگىنە جۇگىنۋ كەرەكتىگىن ەسكەرتەدى.
سىرقات بەلگىلەرى: تەمپەراتۋرانىڭ 38-40°C دەيىن كوتەرىلۋى، باس اۋرۋى، السىزدىك، تابەت تومەندەيدى، كونيۋنكتيۆيت، رينيت، جارىققا قاراي الماۋ، قۇرعاق، اۋىر جوتەل، داۋىستىڭ قارلىعۋى، قىزىلشا ەنانتەماسى - تاڭدايداعى جۇمساق جانە قاتتى ۇلكەن قىزىل داقتار، اۋرۋدىڭ شامامەن 3-4 كۇنىنەن كەيىن دەنەگە تۇسەتىن بورتپە.
« قىزىلشاعا قارسى ۆاكسيناتسيا - قىزىلشاينفەكتسياسىن، سونداي- اق ونىڭ اسقىنۋىن بولدىرمايتىن جالعىز ءتيىمدى قۇرال. وسىعان بايلانىستى اتا- انالاردى ءوز بالالارىنىڭ دەنساۋلىعىنا جاۋاپكەرشىلىكپەن قاراۋعا، ۆاكتسينانى ۋاقىتىندا الۋعا، سونداي- اق قىزىلشاعا قارسى قوسىمشا جاپپاي يممۋنداۋ اياسىندا بالانى ۆاكسيناتسيالاۋعا شاقىرامىن»، - دەيدى ەلوردانىڭ باس سانيتارى.
