استاناعا كولىكپەن كىرۋ شەكتەلە مە
استانا. KAZINFORM - استانا اكىمى جەڭىس قاسىمبەكتىڭ سارايشىق اۋدانى تۇرعىندارىمەن كەزدەسۋىندە وسىنداي سۇراق قويىلدى.
- استاناعا كولىكپەن كىرۋگە شەكتەۋ قويۋ ماسەلەسى قاراستىرىلعان جوق. قاراستىرىلمايدى دا، - دەدى قالا باسشىسى.
ايتا كەتەلىك استانا اكىمى ەلورداداعى اقىلى تۇراقتار جاڭا ينۆەستورعا بەرىلۋى مۇمكىن دەگەن مالىمەتتەردى تەرىسكە شىعارعان ەدى. سونىمەن قاتار جەڭىس قاسىمبەك LRT- دە جول ءجۇرۋ باعاسى قانشا بولاتىنىن ايتقان ەدى.
ەسكە سالساق، بيىل كۇزدە LRT- نى تەستىلىك رەجيمدە ىسكە قوسۋ جوسپارلانعان.
سونداي-اق 2028-جىلعا دەيىن استانا اگلومەراتسياسى قالاي داميتىنى تۋرالى جازعان ەدىك.
ەسكە سالا كەتەيىك، اگلومەراتسيا قۇرامىنا استانا جانە قوسشى قالالارى، سونداي-اق سەلينوگراد، ارشالى جانە شورتاندى اۋداندارىنىڭ 45 ەلدى مەكەنى كىرەدى. 2024-2028-جىلدارعا ارنالعان استانا اگلومەراتسياسىن دامىتۋ جونىندەگى كەشەندى جوسپار اياسىندا اقمولا وبلىسىندا 245 ءىس-شارانى جۇزەگە اسىرۋ كوزدەلگەن.
