استانا تۇرعىنىنىڭ سالوننان 15 ميلليونعا ساتىپ العان سۋ جاڭا كولىگى جۇرمەي قالعان

Автокредитование Автокөлік несиелері ключи кілт
Фото: Kazinform

استانا. KAZINFORM - استانادا تۇتىنۋشى اۆتوسالوننان 15 ميلليون تەڭگەگە اۆتوكولىك ساتىپ العان، الايدا ءۇش ايدان كەيىن كولىك جۇرمەي قالىپ، يەسى قىزمەت كورسەتۋ ورتالىعىنا حابارلاسقان. وندا بەرىلىس قورابى دۇرىس جۇمىس ىستەمەيدى، اقاۋ بار دەگەن قورىتىندى جاسالعان، - دەپ حابارلايدى Massaget.kz ءتىلشىسى تۇتىنۋشىلاردىڭ قۇقىقتارىن قورعاۋ كوميتەتىنىڭ باسپا ءسوز قىزمەتىنە سىلتەمە جاساپ.

اۆتوكولىك ساتۋ جاعىنان بولشەكتى جەتكىزۋ بىرنەشە ايعا سوزىلعان. تاۋاردى قايتارۋ نەمەسە ايىرباستاۋ تۋرالى شاعىممەن اۆتوكولىك جۇرگىزۋشىسى سۋباگەنتكە - اۆتوسالونعا جانە وندىرۋشىگە نارازىلىق حاتىن جىبەرەدى.

«ماسەلەنى رەتتەۋگە باعىتتالعان ءوز ارەكەتىنەن تۇك شىقپاعان سوڭ تۇتىنۋشى استانا قالاسىنىڭ ساۋدا جانە تۇتىنۋشىلار قۇقىعىن قورعاۋ دەپارتامەنتىنە جۇگىنۋگە ءماجبۇر بولادى. ارىزدا تۇتىنۋشى ساتۋشىنىڭ كەمشىلىكتەردى جويۋدان، ساپاسىز كولىك ءۇشىن اقشانى ايىرباستاۋدان نەمەسە قايتارۋدان، كەپىلدىك بويىنشا قىزمەت كورسەتۋدەن، اقاۋدى جويۋدان باس تارتقانىن كورسەتەدى. ودان ءارى ءىس سوتتا قارالىپ، وندا جاۋاپكەر سەرۆيستىك ورتالىق ءوندىرۋشى جانە اۆتوسالون، ال مەملەكەتتىك ورگان ءۇشىنشى تۇلعا رەتىندە ارەكەت ەتتى»، - دەلىنگەن حابارلامادا.

سوت پروتسەسىندە دەپارتامەنت باسشىسى نۇرعالي قۋاندىق ۇلى تۇسىنىك بەردى.

«كولىك - تەحنيكالىق جاعىنان كۇردەلى تاۋار. ەگەر وندا ەلەۋلى كەمشىلىك انىقتالسا، وندا ساتىپ الۋشى ۇقساس تاۋارعا اۋىستىرۋدى نەمەسە ول ءۇشىن تولەنگەن سومانى قايتارۋدى تالاپ ەتۋگە قۇقىلى»، - دەپ ءتۇسىندىردى ول.

سوت شەشىمىمەن تۇتىنۋشىعا اۆتوكولىكتىڭ قۇنى تولىق قايتارىلدى، سونداي-اق كەپىلدىك جوندەۋدىڭ بۇكىل ۋاقىتى ءۇشىن 100000 تەڭگە مولشەرىندە مورالدىق زيان جانە تۇتىنۋشى سولتۇستىك قازاقستان وبلىسىنان كەلگەندىكتەن استانا قالاسىندا تۇرۋعا جۇمساعان شىعىنىنا 71000 تەڭگە، وكىلدىڭ قىزمەتىنە اقى تولەۋ بويىنشا شىعىستارعا 500000 تەڭگە، مەملەكەتتىك باجدى تولەۋ بويىنشا شىعىستارعا 161000 تەڭگە وتەلدى.

تۇتىنۋشىعا جالپى سوماسى 16677000 تەڭگە قايتارىلدى.

سوڭعى جاڭالىقتار