«استانا» قاتارىنان ءتورتىنشى مارتە جەڭىسكە جەتتى

استانا. KAZINFORM - ەلوردالىق «استانا» قازاقستان بىرىنشىلىگىنىڭ كەيىنگە قالدىرىلعان 15-تۋرىندا قىزىلوردادا جەرگىلىكتى «قايساردى» جەڭدى.

ەۋروكۋبوك ويىندارىنا قاتىسۋىنا بايلانىستى ەلوردالىق كوماندا ءبىرقاتار ماتچتاردى كەيىنگە شەگەرگەن ەدى. سونىڭ سالدارىنان تۋرنير كەستەسىندە ورتا تۇسىنا ءتۇسىپ كەتتى. ەندىگى كەزەكتە ءاربىر ويىندا جەڭىسكە جەتۋگە كۇش سالىپ كەلەدى.

بۇگىنگى كەزدەسۋدە «استانا» ءبىرقاتار فۋتبولشىلارعا دەمالىس بەردى. ولاردىڭ قاتارىندا كوماندانىڭ سۇرمەرگەنى مارين توماسوۆ تا بار. سوعان قاراماستان استانالىق ۇجىم العاشقى مينۋتتان بەلسەندى قيمىل كورسەتتى. ناتيجەسىندە ۋسمان كامارا 8-مينۋتتا گول سوعىپ كەتتى.

وسىلايشە ەلوردالىق كلۋب قاتارىنان ءتورتىنشى مارتە جەڭىسكە جەتىپ، التىنشى ورىنعا كوتەرىلدى.

ەندى «استانا» 22-قىركۇيەكتە 21-تۋردا سىرت الاڭدا شىمكەنتتىڭ «ورداباسى» كلۋبىمەن كەزدەسەدى. باس جۇلدە تاعدىرىن اتالعان ويىندا شەشىلۋى مۇمكىن.

ال، «قايسار» الماتىدا جەرگىلىكتى «قايراتپەن» شەبەرلىك بايقاسادى.

ەسكە سالساق، «باۆاريا» چەمپيوندار ليگاسىنىڭ رەكوردىن جاڭارتتى.