استانا - ميلان باعىتىندا تىكەلەي اۋە رەيسى اشىلدى
Neos اۋە كومپانياسى استانادان ميلانعا قاتىنايتىن تىكەلەي رەيستەردى اشتى، دەپ حابارلايدى 24kz. ەندى جولاۋشىلار يتالياعا ەلىمىزدىڭ ەكى بىردەي قالاسىنان ۇشا الادى. «جاڭا اۋە باعىتى ەكى ەل اراسىنداعى حالىقارالىق جانە ساۋدا- ەكونوميكالىق قاتىناستاردىڭ نىعايۋىنا سەپ بولادى»، - دەيدى ماماندار.
استانا - ميلان باعىتىنداعى رەيستەر Boeing 787 ۇشاعى ارقىلى جۇزەگە اسىرىلادى. بۇگىن ەلوردا اۋەجايىنان العاشقى 35 جولاۋشى اتتاندى. بۇعان دەيىن يتالياعا تەك الماتى قالاسىنان ۇشۋ مۇمكىندىگى بار ەدى. ەكى رادا بارىس-كەلىستىڭ ارتۋىنا بايلانىستى اراداعى جالعىز اۋە باعىتى جەتكىلىكسىز بولا باستاعان.
ەرمەك كۇمىسپايەۆ، «نۇرسۇلتان نازاربايەۆ حالىقارالىق اۋەجايى» ا ق باسقارما ءتوراعاسىنىڭ كوممەرتسيا جونىندەگى ورىنباسارى:
- مۇنداي قادام مادەني- گۋمانيتارلىق بايلانىستى نىعايتۋعا جانە تۋريزم كلاستەرىنىڭ دامۋىنا ىقپال ەتەدى. جاڭا باعىت بويىنشا سۇرانىس جوعارى. قازىر حالىقتى اقپاراتتاندىرۋ جۇمىستارى قارقىندى جۇرگىزىلىپ جاتىر. رەيستىڭ اشىلۋ راسىمىنە يتاليانىڭ قازاقستانداعى توتەنشە جانە وكىلەتتى ەلشىسى ماركو البەرتي ارنايى كەلدى. ول جاڭا باعىتتىڭ قوس ەل اراسىنداعى مادەني، ينۆەستيتسيالىق، تۋريستىك جانە ءبىلىم بەرۋ جوبالارىن ودان ءارى دامىتۋعا سەرپىن بەرەرىنە سەنىم ءبىلدىردى.
ماركو البەرتي، يتاليانىڭ قازاقستانداعى ەلشىسى:
- يتاليا مەن قازاقستاننىڭ بايلانىسى نىعايا ءتۇستى. جاڭا باعىتتىڭ اشىلۋى ءبىز ءۇشىن قۋانىشتى جاڭالىق. جىل سايىن يتالياعا جۇزدەگەن ادام ءتۇرلى ماقساتتا بارادى. قازاقستانعا كەلۋشىلەر دە كوپ. ولاردىڭ قاتارىندا، كاسىپكەرلەر، دەمالۋشىلار، ستۋدەنتتەر بار. ەندى ەكى ەل اراسىندا قاتىناۋ جەڭىلدەي ءتۇستى. Neos اۆياكومپانياسىمەن سەرىكتەستىك قارىم-قاتىناستا بولۋ ەلىمىزدەگى ازاماتتىق اۆياتسيا مەن كولىك-لوگيستيكا سالالارىنىڭ دامۋىنا دا وڭ ىقپال بەرەدى. شەت مەملەكەتتەرگە اۋە باعىتتارىنىڭ سانى جىل ساناپ ارتىپ جاتىر. ىنتىماقتاستىققا باعىتتالعان كەشەندى شارالار الداعى ۋاقىتتا دا جالعاسادى.
