استانا ماڭىندا جوعالعان ايەلدىڭ دەنەسى تابىلدى

استانا. KAZINFORM - استانا ماڭىنداعى جىبەك جولى اۋىلىندا 3-قاڭتار كۇنى 42 جاستاعى بايان التىنبەكوۆا جوعالىپ كەتكەن ەدى.

ايەل 3-قاڭتاردا شامامەن 5:30 دا ۇيدەن شىعىپ، قايتىپ ورالماعان. ول اق تون، قارا كويلەك، قارا ەتىك كيگەن. ايەلدى تۋىستارى، ەرىكتىلەر، جەرگىلىكتى تۇرعىندار ىزدەدى. وكىنىشكە قاراي بايان التىنبەكوۆا 4-قاڭتاردا ءولى تابىلدى.

ىزدەۋ اياقتالدى، باياننىڭ دەنەسى تابىلدى. تۋىستارى مەن جاقىندارىنا كوڭىل ايتامىز، يماندى بولسىن. جىبەك جولى كەنتىنىڭ تۇرعىندارىنا ەرەكشە العىس بىلدىرەمىز، - دەپ جازىلعان ەرىكتىلەردىڭ الەۋمەتتىك جەلىدەگى پاراقشاسىندا.

بايان التىنبەكوۆانىڭ نەدەن قايتىس بولعانىن پوليتسيا انىقتايتىن بولادى.