استانا- لوندون بايلانىسى نىعايادى - مۇرات نۇرتىلەۋ
استانا. KAZINFORM - قازاقستان مەن ۇلىبريتانيانىڭ سىرتقى ساياسي ۆەدومستۆولارى باسشىلارىنىڭ كەزدەسۋىندە قازاق-بريتان كۇن تارتىبىندەگى ماسەلەلەر عانا ەمەس، ورتالىق ازيا، اۋعانستان مەن جالپى ەۋرازيا كەڭىستىگىندەگى ءبىرقاتار وزەكتى تاقىرىپتار ورتاعا سالىندى.
ق ر سىرتقى ىستەر ءمينيسترى مۇرات نۇرتىلەۋ ءوز سوزىندە ۇلى بريتانيا قازاقستاننىڭ اسا ماڭىزدى ءارى سەنىمدى ارىپتەسى، سونداي-اق ەڭ ءىرى ساۋدا جانە ينۆەستيتسيالىق سەرىكتەستەردىڭ ءبىرى ەكەنىن اتاپ ءوتتى.
«ەكى ەلدىڭ قارىم-قاتىناستارىنىڭ تامىرى تەرەڭ ءارى تاريحى ايتارلىقتاي باي. سوڭعى جىلدارى ەكى ەل اراسىنداعى سىندارلى ساياسي ديالوگ پەن جان-جاقتى ىقپالداستىقتى كەڭەيتۋگە باعىتتالعان قوماقتى ءارى جۇيەلى ءىس- ارەكەتتەر جاسالۋدا. ەلدەرىمىزدى سان قىرلى ءىس- قيمىلدى كەڭەيتۋ مەن تەرەڭدەتۋگە دەگەن ورتاق نيەت بار. 11 جىل بۇرىن كەمەرون مىرزانىڭ ۇكىمەت باسشىسى رەتىندە قازاقستانعا شەككەن ساپارى بارىسىندا ىنتىماقتاستىعىمىزدى ستراتەگيالىق ارىپتەستىك دەڭگەيگە كوتەرۋ تۋرالى بىرلەسكەن مالىمدەمە جاسالعان ەدى. ال، بۇگىن قازاقستان مەن ۇلىبريتانيا اراسىندا ستراتەگيالىق ارىپتەستىك جانە ىنتىماقتاستىق تۋرالى كەلىسىمگە قول قويىپ، قاتىناستارىمىزدى جاڭا بەلەسكە شىعاردىق»، - دەدى مۇرات نۇرتىلەۋ.
ونىڭ ايتۋىنشا، بۇل تاريحي ماڭىزدى ءارى ەرەكشە ەكىجاقتى قۇجات استانا مەن لوندوننىڭ ساياسي، ساۋدا-ەكونوميكالىق جانە ينۆەستيتسيالىق بايلانىستارىنا تىڭ سەرپىن بەرەدى.
ءبىزدىڭ ەكىجاقتى ىنتىماقتاستىعىمىزدىڭ وزەگى - ساۋدا-ەكونوميكالىق جانە ينۆەستيتسيالىق بايلانىستار ەكەنى ءسوزسىز. وسى رەتتە، الىس-بەرىسىمىزدى ءارى قاراي ۇلعايتىپ، ءوزارا ءتيىمدى جوبالار مەن باستامالاردى قولداۋعا دەگەن ورتاق نيەتىمىزدى راستادىق. ەلىمىزگە وزىق تەحنولوگيالار تارتۋمەن قاتار، اسا ماڭىزدى عىلىمي- زەرتتەۋ الەۋەتىمىزدى دامىتۋ ماسەلەلەرى دە تالقىلاندى»، - دەدى ق ر سىرتقى ىستەر ءمينيسترى.
بەلگىلى بولعانداي، بىلتىر ەكىجاقتى تاۋار اينالىمى 1,2 ميلليارد دوللاردى قۇراعان. جيىرما جىلدان بەرى بريتاندىق تىكەلەي ينۆەستيتسيالار كولەمى 17 ميلليارد دوللارعا جەتكەن.
