استانا حالىقارالىق اۋەجايى جوندەۋگە جابىلادى
FLyArystan اۋە كومپانياسى استانا حالىقارالىق اۋەجايىنىڭ جوندەۋ جۇمىستارىنا جابىلاتىنىن مالىمدەدى، دەپ حابارلايدى قازاقپارات.

«استانا قالاسىنداعى نۇرسۇلتان نازاربايەۆ حالىقارالىق اۋەجايى 11-قازان، 16-قازان جانە 18-قازان كۇندەرى 13:20 — 17:20 ۋاقىت ارالىعىندا جابىلاتىنىن حابارلايمىز. اۋەجايدىڭ جابىلۋ سەبەبى — ۇشۋ- قونۋ جولاعىندا جۇرگىزىلەتىن جوندەۋ جۇمىستارى» دەلىنگەن كومپانيا حابارلاماسىندا.
FlyArystan رەيستەرى جوندەۋ جۇمىسىنىڭ ۋاقىتىمەن سايكەس كەلەتىن جولاۋشىلار ءۇشىن التەرناتيۆتى ۇشۋ كۇندەرىن ۇسىندى.
اعىمداعى ۇشۋ ۋاقىتى/كۇنى تۋرالى اقپارات جولاۋشىلارعا بيلەت برونداۋ كەزىندە كورسەتىلگەن تەلەفون ءنومىرى مەن ەلەكتروندى پوشتاعا جەكە حابارلاما ارقىلى جىبەرىلەدى.
«بۇل وزگەرىس اۋەكومپانيانىڭ باقىلاۋىنان تىس جاعداي ەكەندىگىنە نازار اۋدارۋىڭىزدى سۇرايمىز. FlyArystan استانا قالاسىنىڭ اۋەجايىن ۇشۋ قاۋىپسىزدىگىن قامتاماسىز ەتۋ ماقساتىندا جۇرگىزىلەتىن جۇمىستارىن قولدايدى، ءبىراق بۇل وزگەرىستەر جولاۋشىلار جوسپارىنا اسەر ەتەتىنىنە وكىنىش بىلدىرەدى» دەيدى كومپانيادان.
FlyArystan ءوز كەزەگىندە جولاۋشىلارعا ىڭعايلى ۋاقىتتى ۇسىنۋ ماقساتىندا جاڭا ۇشۋ كەستەسىن قاراستىرىپ جاتىر.