«استانا- شۋچە» تاس جولىنداعى اپات: زاقىم كەلگەن كولىكتەر سانى 95 كە جەتتى
استانا. KAZINFORM — «استانا- شۋچە» تاس جولىنداعى جاپپاي كولىك اپاتىندا 95 كە جۋىق اۆتوكولىك زارداپ شەكتى. بۇل تۋرالى «قازاۆتوجول» ۇ ك» ا ق جەدەل اقپاراتىندا ايتىلدى.
2025 -جىلدىڭ 3 - قاڭتارىندا ساعات 07:20 دا رەسپۋبليكالىق ماڭىزى بار «استانا- پەتروپاۆل» اۆتوجولىنىڭ ۋچاسكەسىندە (18- 232 شاقىرىمدارى) اۋا رايىنىڭ ناشارلاۋىنا بايلانىستى بارلىق اۆتوكولىك قوزعالىسىنا شەكتەۋ ەنگىزىلدى.
- اۋا رايى جاقسارىپ، جول تازالانعاننان كەيىن ساعات 12:30 دا پوليتسيا دەپارتامەنتى قىزمەتكەرلەرى مەن «قازاۆتوجول» ارنايى تەحنيكاسىنىڭ سۇيەمەلدەۋىمەن شۋچينسك باعىتىنا قوزعالىس ۇيىمداستىرىلدى. الايدا، الدىن الا مالىمەتتەر بويىنشا، جۇرگىزۋشىلەردىڭ جىلدامدىق رەجيمىن جانە قاۋىپسىز قاشىقتىقتى ساقتاماۋى سالدارىنان ساعات 13:28 دە تراسسانىڭ 153-شاقىرىمىندا، جاناتالاپ اۋىلىنىڭ ماڭىندا شامامەن 95 كولىكتىڭ قاتىسۋىمەن جاپپاي جول اپاتى ورىن الدى، - دەپ جازدى قازاۆتوجول.
وقيعا ورنىندا پوليتسيا قىزمەتكەرلەرى مەن «قازاۆتوجول» ماماندارى جۇمىس ىستەۋدە. ءبىر جولاق تازارتىلىپ، جارامدى اۆتوكولىكتەر قوزعالىسىن باستادى.
وقيعا ورنىندا 22 -كوپفۋنكتسيونالدى جول ماشيناسى جانە 2 تراكتور جۇمىلدىرىلعان.
قازىرگى ۋاقىتتا وسى جول ۋچاسكەسىندە بارلىق كولىك تۇرلەرى ءۇشىن قوزعالىس قايتادان شەكتەلدى.
ازىرگە قازا بولعاندار مەن زارداپ شەككەندەر تۋرالى اقپارات تۇسكەن جوق.
