استانا -ءۇرىمجى باعىتىنداعى رەيس سانى ارتىپ كەلەدى

استانا. KAZINFORM -كولىك مينيسترلىگى حالىقارالىق رەيستەر سانىن ۇلعايتۋ جانە ۇشۋ گەوگرافياسىن كەڭەيتۋ بويىنشا جۇمىس جالعاسىپ جاتقانىن مالىمدەدى.

2024 -جىلعى 30-مامىردان باستاپ «China Southern Airlines» اۋە كومپانياسى استانا - ءۇرىمجى باعىتى بويىنشا رەيستەر سانىن اپتاسىنا 2 دەن 3 رەيسكە دەيىن ارتتىرۋدى جوسپارلاپ وتىر. رەيستەر Boeing 737 (سىيىمدىلىعى 128 دەن 178 ورىنعا دەيىن) ۇشاقتارىندا ورىندالادى.

وسىلايشا، پرەزيدەنت قاسىم-جومارت توقايەۆتىڭ 2023 -جىلعى قازانداعى قىتايعا ساپارىنىڭ قورىتىندىسى بويىنشا ەلدەر اراسىنداعى رەيستەردىڭ جالپى سانى اپتاسىنا 27 دەن 43 كە دەيىن ۇلعايادى. قازاقستان مەن قىتاي اراسىنداعى رەيستەر سانىنىڭ ارتۋى ەلدەر اراسىنداعى تۋريستىك، مادەني، ينۆەستيتسيالىق جانە ىسكەرلىك ىنتىماقتاستىقتى ودان ءارى دامىتۋعا، سونداي-اق حالىقارالىق اۋە تاسىمالى نارىعىنداعى باسەكەلەستىكتىڭ ارتۋىنا جانە اۋە بيلەتتەرى باعاسىنىڭ تومەندەۋىنە ىقپال ەتەدى.

بۇعان دەيىن اقتوبە-ءۇرىمجى باعىتىندا جۇك تاسىمالدايتىن اۋە رەيسى ىسكە قوسىلعانىن جازعان بولاتىنبىز.