استانا اكىمى ۇلەسكەرلەردىڭ ماسەلەسىن شەشۋ جولدارىن اتادى
استانا. KAZINFORM - ەلوردادا قۇرىلىسى ۇزاققا سوزىلعان تۇرعىن ۇيلەردىڭ پروبلەماسى قالاي شەشىلىپ جاتىر؟ بۇل ساۋالعا قالا اكىمى جەڭىس قاسىمبەك جاۋاپ بەردى.
«بىرىنشىدەن، تۇرعىن ءۇي قۇرىلىسى جونىندەگى ۆەدومستۆوارالىق كوميسسيا، ۇلەسكەرلەر مەن قۇقىق قورعاۋ ورگاندارىنىڭ قاتىسۋىمەن جۇيەلى كەزدەسۋلەر وتكىزۋدەمىز. بۇل تۋىنداعان ماسەلەلەردى جەدەل شەشۋگە مۇمكىندىك بەرەدى جانە سالىمشىلاردىڭ اراسىندا الەۋمەتتىك شيەلەنىسكە جول بەرمەيدى. ەكىنشىدەن، قۇرىلىس كومپانيالارىنا تەحنيكالىق جانە قارجىلىق اۋديت جۇرگىزۋگە، جوبالىق قۇجاتتامانى سايكەستەندىرۋگە، ينجەنەرلىك جەلىلەردى سالۋ مەن قوسۋدا تولىق كومەك كورسەتۋدەمىز»، - دەدى جەڭىس قاسىمبەك ۇكىمەت وتىرىسىندا.
سونداي- اق، ەلوردا اكىمى پروبلەمالى تۇرعىن ۇيلەردىڭ قۇرىلىسىن اياقتاۋ ءۇشىن ءىرى ينۆەستورلاردى تارتىپ جاتقانىن ايتىپ وتىر.
«سالىنىپ جاتقان تۇرعىن ۇيلەردىڭ قۇرىلىس جۇمىستارى كۇندەلىكتى باقىلاۋدا»، - دەپ تولىقتىردى ج. قاسىمبەك.
بۇعان دەيىن استانا اكىمى پروبلەمالى نىسان سالىمشىلارىنىڭ %90 باسپانالى بولعانىن، قالعان سالىمشىلار ماۋسىمنىڭ سوڭىنا دەيىن پاتەر كىلتىن الاتىنىنىن ايتقان ەدى.
ەسكە سالايىق، بۇگىندە 40872 استانالىق تۇرعىن ءۇي كەزەگىن كۇتىپ ءجۇر.
