استانا اكىمدىگى تۇرمىسى تومەن وتباسىدان شىققان تۇلەكتەردىڭ وقۋ اقىسىن تولەپ بەرۋگە قۇجات قابىلداپ جاتىر

استانا. قازاقپارات – 1-شىلدەدەن 23-تامىزعا دەيىن (قوسا العاندا) استانا قالاسى جۇمىسپەن قامتۋ جانە الەۋمەتتىك قورعاۋ باسقارماسى تۇلەكتەرگە قالانىڭ جوعارى وقۋ ورىندارىندا كۇندىزگى وقۋ اقىسىن تولەۋگە الەۋمەتتىك كومەك كورسەتۋ ءۇشىن قۇجات قابىلدايدى. بۇل جايىندا ەلوردا اكىمدىگىنەن حابارلاندى.

جىل سايىن استانا قالاسىنىڭ مەكتەپ تۇلەكتەرىنە الەۋمەتتىك كومەك كورسەتىلەدى:

- جەتىم بالالار؛

- بالالار ءۇيىنىڭ تۇلەكتەرى؛

- بالا كەزىنەن مۇگەدەكتىگى بار ادامدار؛

- اتا-اناسىنىڭ قامقورلىعىنسىز قالعان بالالار؛

- كوپبالالى وتباسىنان شىققان بالالار (ونىڭ ىشىندە وسى جىلى ۇلكەن بالا - كامەلەتكە تولعان كەزدە ءبىلىم بەرۋ ۇيىمدارىنا كۇندىزگى وقۋ نىسانىنا تۇسكەنگە دەيىن)؛

- اسىراۋشىسىنان ايرىلۋ جاعدايى بويىنشا مەملەكەتتىك جاردەماقى الاتىن ازاماتتار.

وقىتۋ ەڭبەك نارىعىندا سۇرانىسقا يە 36 ماماندىقتا جۇرگىزىلەدى:

- جالپى مەديتسينا؛

- فارماتسيا؛

- الەۋمەتتىك جۇمىس؛

- ساۋلەت (BIM مەنەدجەرى ديزاينەر)؛

- ەلەكتر ەنەرگەتيكاسى؛

- دەنە شىنىقتىرۋ جانە سپورت؛

- پسيحولوگيا؛

- ەسەپتەۋ تەحنيكاسى جانە باعدارلامالىق قامتاماسىز ەتۋ (باعدارلاماشى)؛

- ديزاين؛

- اقپاراتتىق جۇيەلەر (قازاق، ورىس، اعىلشىن تىلدەرىندە وقىتۋ قۇقىعى بار كومپيۋتەرلىك جۇيەلەردى ازىرلەۋشى جانە تالداۋشى)، اقپاراتتىق تەحنولوگيالار

- ازىق-تۇلىك تەحنولوگياسى؛

- گاز جابدىقتارىنا قىزمەت كورسەتۋ ينجەنەرى؛

- ينفورماتيكا؛

- تاسىمالداۋدى، قوزعالىستى ۇيىمداستىرۋ جانە كولىكتى پايدالانۋ (لوگيستيكا مامانى)؛

- بيوتەحنولوگيا؛

- باستاۋىش وقىتۋدىڭ پەداگوگيكاسى مەن ادىستەمەسى؛

- مەكتەپكە دەيىنگى وقىتۋ؛

- پەداگوگيكالىق (ماتەماتيكا مۇعالىمى)؛

- پەداگوگيكالىق (حيميا جانە بيولوگيا مۇعالىمى)؛

- قازاق ءتىلى مەن ادەبيەتى؛

- گەودەزيا جانە كارتوگرافيا (web-كارتوگرافيا)؛

- كيپيا ينجەنەرى (باقىلاۋ- ولشەۋ اسپاپتارى جانە اۆتوماتتاندىرۋ)؛

- ەلەكترونيكا ينجەنەرى؛

- قۇرىلىس؛

- جىلۋ ەنەرگەتيكاسى؛

- اقپاراتتىق قاۋىپسىزدىك؛

- كوگالداندىرۋ؛

- ەلەكتروندى كوممەرتسيا؛

- ەكونوميكا جانە دەرەكتەر عىلىمى سالاسىنداعى بيزنەس- اكىمشىلەندىرۋ؛

- ۇلكەن دەرەكتەردى تالداۋ؛

- مەدياتەحنولوگيالار مەديا ونەرى؛

- ساندىق مەديا مەنەدجمەنتى؛

- جاساندى ينتەللەكت تەحنولوگيالارى؛

- قۇرىلىستاعى سيفرلىق ديزاين؛

- ەكولوگيا جانە تابيعاتتى پايدالانۋ؛

- گيدرولوگيا.

الەۋمەتتىك كومەك الۋ ءۇشىن نە ىستەۋ كەرەك؟

باسقارماعا مىنا قۇجاتتاردى قوسا وتىرىپ، ءوتىنىش بەرۋ قاجەت:

1) جەكە باسىن كۋالاندىراتىن قۇجات؛

2) جيىنتىق تابىستى ەسەپتەۋ قاعيداسىنا سايكەس ادامنىڭ (وتباسى مۇشەلەرىنىڭ) تابىسى تۋرالى مالىمەت؛

3) اتا-اناسىنىڭ قايتىس بولعانى تۋرالى كۋالىكتىڭ كوشىرمەسى (جەتىم بالالار ءۇشىن)؛

4) كوپبالالى وتباسىنىڭ مارتەبەسىن راستايتىن قۇجاتتىڭ كوشىرمەسى (كوپبالالى وتباسىنان شىققان بالالار ءۇشىن)؛

5) تۋۋ تۋرالى كۋالىكتىڭ كوشىرمەسى (جەتىم بالالار ءۇشىن)؛

6) استانا قالاسىنىڭ ورتا مەكتەبىن بىتىرگەنى تۋرالى اتتەستات؛

7) ۇلتتىق ءبىرىڭعاي تەستىلەۋ ناتيجەسى كورسەتىلگەن مەملەكەتتىك سەرتيفيكات.

8) ەكىنشى دەڭگەيدەگى بانكتەگى نە «قازپوشتا» اكسيونەرلىك قوعامىنداعى بانكتىك شوتتىڭ ءنومىرى تۋرالى مالىمەت.

ايتا كەتۋ كەرەك، جان باسىنا شاققانداعى ورتاشا تابىسى وتباسىنىڭ ءبىر مۇشەسىنە شاققاندا 4 كۇنكورىس دەڭگەيىنەن اسپايتىن اقشالاي تولەم تۇرىندە الەۋمەتتىك كومەك تاعايىندالادى.

الەۋمەتتىك كومەك الۋ ءۇشىن استانا قالاسى جۇمىسپەن قامتۋ جانە الەۋمەتتىك قورعاۋ باسقارماسىنا بەيبىتشىلىك كوشەسى، 9-مەكەنجايىنا جۇگىنۋ نە قۇجاتتاردى ۆەب-پورتال ارقىلى ەلەكتروندى تۇردە وتكىزۋ قاجەت.

ايتپاقشى، تەستىلەۋ كەزىندە ەڭ تومەنگى بالدى جيناماعان مەكتەپ تۇلەكتەرىنە الەۋمەتتىك كومەك تاعايىندالمايدى.

اۋدان تۇرعىندارى ءۇشىن انىقتاما تەلەفوندارى:

الماتى: 550174، 87028375005؛

بايقوڭىر: 557232، 87718303278؛

ەسىل: 557450، 87054279240؛

نۇرا: 556840، 87021490255؛

سارىارقا: 551487، 87016216299، 87025468695.

اۆتور

جانات قاپالبايەۆا