استانا اۋەجايىندا ورىنسىز قالجىڭنىڭ كەسىرىنەن دابىل جاريالاندى

استانا حالىقارالىق اۋەجايىندا دابىل جاريالاندى، دەپ حابارلايدى Kazinform.

«جولاۋشىلاردان جەكە زاتتارىنا مۇقيات بولۋىن، بالالار مەن جاس وسپىرىمدەردى قاراۋسىز قالدىرماۋىن، اۆياتسيالىق قاۋىپسىزدىك ەرەجەلەرىن مۇقيات ساقتاۋىن سۇرايمىز» دەپ ەسكەرتتى استانا حالىقارالىق اۋەجايىنىڭ باسپا ءسوز قىزمەتىنەن.

كەيىننەن اۋەجاي جاعدايدى ءتۇسىندىردى.

استانادان الماتىعا ك س954 رەيسىمەن ۇشقالى تۇرعان 44 جاستاعى ازامات تىركەۋ كەزىندە جول جۇگىندە قارۋ مەن ەسىرتكى بار ەكەنىن جەتكىزگەن.

اۋەجاي قىزمەتكەرلەرى بىردەن «قاۋىپتى» جولاۋشى تۇرعان ايماقتى قورشاۋعا الىپ، مەملەكەتتىك كۇزەت، ۇلتتىق قاۋىپسىزدىك قىزمەتى، تەرروريزمگە قارسى ورتالىققا جەدەل حابارلاندى.

استانا حالىقارالىق اۋەجايىنىڭ اۆياتسيالىق قاۋىپسىزدىك قىزمەتى جولاۋشىنىڭ قول جۇگىن تەكسەرىپ، ونى جەلىلىك پوليتسيا ءبولىمىنىڭ قىزمەتكەرلەرىنە تاپسىردى.

جولاۋشى پوليتسەيلەرگە بەرگەن تۇسىنىكتەمەسىندە قول جۇگىندەگى قارۋ مەن ەسىرتكى جايىندا قالجىڭداعانىن جەتكىزگەن.

ۇلتتىق قاۋىپسىزدىك قىزمەتىنىڭ نۇسقاماسىمەن استانا حالىقارالىق اۋەجايىندا دابىل الىنىپ تاستالدى.

قىلمىستىق كودەكستىڭ 273-بابى بويىنشا مۇنداي جاعدايدا 5000 ا ە ك (17 ميلليون تەڭگەدەن استام) كولەمىندە ايىپپۇل سالىنادى نەمەسە 5 جىلعا باس بوستاندىعىنان ايىرىلادى.