استانا اۋەجايىندا ۇشاقتاردىڭ كەش كەلۋىنە بايلانىستى 3 رەيستىڭ ۋاقىتى اۋىستى

әуежай
Фото: Астана халықаралық әуежайы

ەلوردا اۋەجايىنىڭ اۋە ايلاعىندا جاعداي تۇراقتى. تەك ۇشاقتىڭ كەش كەلۋىنە بايلانىستى 3 رەيستىڭ ۋاقىتى وزگەردى.

بۇل تۋرالى استانا حالىقارالىق اۋەجايىنىڭ باسپا ءسوز قىزمەتى مالىمدەدى، دەپ حابارلايدى Kazinform.

«استانادا كۇن رايى تۇراقتالىپ، ۇشۋعا قولايلى بولىپ تۇر. بۇگىن اۋا رايىنا بايلانىستى رەيستەر توقتاتىلعان جوق. قازىر اۋە ايلاقتا جەلدىڭ جىلدامدىعى - 6 م/س، اۋا تەمپەراتۋراسى 18 –گرادۋس. بۇگىن ەلوردا اۋەجايىندا ۇشۋعا 74 رەيس جوسپارلانعان بولاتىن. ونىڭ 3 ەۋى ۇشاقتىڭ كەش كەلۋىنە بايلانىستى كەشىكتىرىلۋدە»، - دەپ جازدى باسپا ءسوز قىزمەتى.

ايتا كەتەيىك، كەشە استانادا قولايسىز اۋا رايىنا بايلانىستى كەيبىر رەيستەر كەستەسى وزگەرگەن ەدى. اۋە ايلاق قىزمەتى 14:00-20:00 ارالىعىندا جەلدىڭ جىلدامدىعى 22 م/س- دان 27 م/س دەيىن جەتۋى مۇمكىندىگى تۋرالى حابارلاما الدى.

كەشە ەلوردا اۋەجايىندا 75 رەيس جوسپارلانعان بولاتىن. ونىڭ 12 رەيسى (4 ۇشاتىن، 8 ۇشىپ كەلەتىن) ۇشاقتىڭ كەش كەلۋىنە بايلانىستى كەشىكتى. ەلورداداعى قولايسىز اۋا رايىنا بايلانىستى IQ389 استانا-جەزقازعان باعىتىندا ۇشاتىن رەيس توقتاتىلدى.

سوڭعى جاڭالىقتار