استانا اۋەجايىندا ءبىر ايدا 2 مىڭعا جۋىق تىيىم سالىنعان زات انىقتالدى

استانا. KAZINFORM - ەلوردا اۋەجايىنىڭ اۆياتسيالىق قاۋىپسىزدىك قىزمەتىنىڭ ينسپەكتورلارى جىل باسىنان بەرى جولاۋشىلاردى تەكسەرۋ پۋنكتەرىندە 2 مىڭعا جۋىق تىيىم سالىنعان زات انىقتادى.

تەكسەرۋ بارىسىندا كوزگە ەرەكشە تۇسكەن زاتتاردىڭ قاتارىندا 200 شاماسىندا قارۋعا ۇقساس ويىنشىقتار مەن سۋۆەنيرلەر، سونداي-اق تەز تۇتاناتىن 174 دانا 25ل سۇيىقتىق پەن 15-كە جۋىق پيروتەحنيكالىق زات بولعان.

سونىمەن قاتار، تىيىم سالىنعان زاتتارعا قاتىستى 16 ماتەريال سوت جانە قۇقىق قورعاۋ ورگاندارىنا جىبەرىلدى.

جولاۋشىلاردىڭ قاۋىپسىزدىگىن قامتاماسىز ەتۋ ماقساتىندا سىيىمدىلىعى 100 م ل- دەن اساتىن كونتەينەرلەردەگى كەز كەلگەن سۇيىقتىقتى (سۋ، سۋسىندار، قىرىنۋعا ارنالعان كوبىك جانە ت. ب. )، اسىرەسە بەلگىسىز قۇرامداعى زاتتار مەن سۇيىقتىقتاردى (زاۋىتتىق قاپتاماسىز، تەحنيكالىق پاسپورتسىز جانە سەرتيفيكاتسىز) قول جۇگىمەن تاسىمالداۋعا تىيىم سالىنادى.

استانا اۋەجايىنىڭ اۋە قاۋىپسىزدىگى قىزمەتى باگاجدى جيناۋ بارىسىندا جولاۋشىلارعا بارىنشا جاۋاپكەرشىلىك تانىتىپ، قول جۇگى مەن باگاج تاسىمالداۋدا تىيىم سالىنعان زاتتاردىڭ تىزىمىمەن الدىن الا تانىسۋعا كەڭەس بەرەدى.

تىيىم سالىنعان زاتتاردىڭ تىزىمىمەن www.nn-airport.kz سايتىندا تانىسۋعا بولادى.