استانا اۋەجايىنان ۇشاتىن 7 رەيس جانە ۇشىپ كەلەتىن 8 رەيس توقتاتىلدى

airport
Photo: Astana airport

استانا. KAZINFORM - استانا اۋەجايىنان ۇشاتىن 7 رەيس جانە ۇشىپ كەلەتىن 8 رەيس توقتاتىلدى. بۇل مالىمەتتى استانا حالىقارالىق اۋەجايى ۇسىندى.

«استانا قالاسى اۋەجايىنىڭ اۋەايلاعىندا سەكۋندىنا 19 مەتر جىلدامدىقپەن جانە ەكپىنى سەكۋندىنا 23 مەترگە دەيىن قاتتى جەل سوعىپ تۇر. مۇنداي اۋا- رايى ۇشاقتاردىڭ ۇشۋى مەن قونۋى كەزىندە قيىندىقتار تۋعىزۋى مۇمكىن. سوندىقتان اۋە كومپانيالارى جولاۋشىلار مەن ەكيپاجداردىڭ قاۋىپسىزدىگىن قامتاماسىز ەتۋ ءۇشىن رەيستەردى توقتاتۋ نەمەسە كەشىكتىرۋ تۋرالى شەشىمدەر قابىلدايدى»، - دەپ اتاپ وتەدى اۋەجايدان.

اۋەجاي مالىمەتىنشە، بۇگىن ەلوردا اۋەجايىندا 72 رەيس جوسپارلانعان بولاتىن. ونىڭ ىشىندە ۇشاتىن 7 رەيس، ۇشىپ كەلەتىن 8 رەيس توقتاتىلدى. سونىمەن قاتار، ۇشۋعا 6 رەيس، ال ۇشىپ كەلۋگە 12 رەيس ۋاقىتى كەشىكتىرىلدى. بۇل كىدىرىستەر مەن توقتاتۋلار قولايسىز مەتەوجاعدايلارمەن جانە ۇشۋ قاۋىپسىزدىگىن قامتاماسىز ەتۋ بويىنشا قابىلدانىپ جاتقان شارالارمەن بايلانىستى.

جولاۋشىلار ءوز رەيستەرى تۋرالى اقپاراتتى الۋ ءۇشىن ءتيىستى اۋە كومپانيالارمەن بايلانىسۋى كەرەك.

اۋەايلاقتى قالىڭ قاردان تازالاۋ جۇمىستارى ۇزدىكسىز ءجۇرىپ جاتىر. قازىر بۇل جۇمىستارعا 23 ارنايى تەحنيكا جۇمىلدىرىلعان.

رەيستەر تۋرالى اقپاراتتى استانا حالىقارالىق اۋەجايىنىڭ رەسمي سايتىنان nn-airport.kz قاراۋعا بولادى. سونداي- اق ەلوردا اۋەجايىندا تاۋلىك بويى بايلانىس ورتالىعى جۇمىس ىستەيدى: 87172702999.

اۆتور

مارلان جيەمباي

سوڭعى جاڭالىقتار