استانا اۋەجايى شەتەلدىك ينۆەستوردىڭ باسقارۋىنا بەرىلەدى - ۇكىمەت كەلىسىمگە قول قويدى

астана әуежайы шетелдік инвестор
Фото: Фото: primeminister.kz

 پرەمەر-مينيستر ءاليحان سمايىلوۆتىڭ تۇركىستان وبلىسىنا جۇمىس ساپارى بارىسىندا شەتەلدىك ينۆەستور – ب ا ءا-نىڭ Terminals Holding كومپانياسىمەن استانا اۋەجايىن مۋلتيمودالدى حاب رەتىندە دامىتۋ جونىندەگى ىنتىماقتاستىق تۋرالى كەلىسىمگە قول قويىلدى. Kazinform بۇل تۋرالى primeminister.kz-كە سىلتەمە جاساپ حابارلايدى. 

Terminals Holding كومپانيالار توبى - ازيا مەن افريكانىڭ ءىرى نارىقتارىندا تۇتىنۋشىلارعا قىزمەت كورسەتەتىن، سونداي-اق Abu Dhabi Ports ءىرى پورتتى جانە ونەركاسىپ كومپانياسىمەن بايلانىستى قارقىندى دامىپ كەلە جاتقان اۆياتسيالىق كاسىپورىن.

ينۆەستور ەلوردا اۋەجايىنىڭ قىزمەتىنە جان-جاقتى باعا بەرىپ، كەيىننەن جولاۋشىلارعا قىزمەت كورسەتۋ ساپاسىن جانە جالپى اۋە ايلاعىنىڭ تيىمدىلىگىن ارتتىرۋ ءۇشىن جەدەل باسقارۋدى ءوز قولىنا الادى.

ينۆەستوردىڭ ءبىرىنشى كەزەكتەگى مىندەتى - ۇشۋ-قونۋ جولاعىن رەكونسترۋكتسيالاۋعا جانە ونى ودان ءارى جاڭعىرتۋعا دايىنداۋ. دايىندىق جۇمىستارىن جانە ەلوردانىڭ قىسقا مەرزىمدى قۇرىلىس ماۋسىمىن ەسكەرە وتىرىپ، كەلەسى جىلى جەرۇستى ينفراقۇرىلىمىن كۇردەلى جوندەۋدى باستاۋ جوسپارلانىپ وتىر.

سونىمەن قاتار مەملەكەت پەن جەكە كومپانيا مۇددەلەرىنىڭ تەپە- تەڭدىك بالانسى نازارعا الىنىپ، بولاشاق ينۆەستيتسيالارعا نەگىز بولاتىن اۋەجايدى دامىتۋدىڭ ۇزاق مەرزىمدى بيزنەس-جوسپارى ازىرلەنەتىن بولادى.

كولىك مينيسترلىگى Terminal Holding كومپانياسىمەن ىنتىماقتاستىقتى نىعايتۋ مەملەكەت باسشىسىنىڭ قازاقستان حالقىنا جولداۋىندا ەلىمىزدەگى اۋەجايلاردى مۋلتيمودالدى ورتالىقتار رەتىندە دامىتۋ جونىندەگى بەلگىلەنگەن مىندەتتەردى ىسكە اسىرۋعا ەلەۋلى ۇلەس قوساتىنىن باسا ايتتى.

 

اۆتور

گۇلميرا الياكپاروۆا

سوڭعى جاڭالىقتار