استانا اۋەجايى 1-مامىردان باستاپ تۇندە جۇمىس ىستەمەيدى
استانا. KAZINFORM - ۇشۋ-قونۋ جولاعىنا كۇردەلى جوندەۋ جۇرگىزۋگە بايلانىستى استانا حالىقارالىق اۋەجايىندا رەيستەرگە وزگەرىس ەنەدى.
1-مامىردان باستاپ جوندەۋ اياقتالعانعا دەيىن جەرگىلىكتى ۋاقىت بويىنشا ساعات 22:00 دەن 6:00 گە دەيىن ەلوردالىق اۋەجايدىڭ اۋەايلاعىندا ۇشاقتاردى قابىلداۋ جانە ۇشۋ توقتاتىلادى.
ەلوردا اۋەجايى كۇن سايىن 200 دەن استام رەيسكە قىزمەت كورسەتەدى.
ونىڭ ىشىندە تۇنگى رەيستەر سانى 100 گە جۋىق. بۇل رەيستەر تاۋلىكتىڭ كۇندىزگى ۋاقىتىنا اۋىسادى.
وسىعان بايلانىستى استانادان/استاناعا ورىندالاتىن رەيس كەستەسىنە وزگەرىستەر ەنىپ جاتىر.
«جولاۋشىلاردان ساپارىن الدىن الا جوسپارلاۋىن جانە اۋەكومپانيالاردىڭ انىقتاما قىزمەتى، قوسىمشالار مەن اۋەجاي، سونداي-اق اۋەكومپانيالاردىڭ حابارلاماسى سياقتى بۇكىل قولجەتىمدى اقپارات كوزدەرىن پايدالانۋدى سۇرايمىز» دەپ ەسكەرتەدى اۋەجايدان.
