استانانىڭ وڭ جاعالاۋىنا LRT باعىتىنىڭ قۇرىلىسى قاشان باستالادى

بۇل تۋرالى CTS باسقارما ءتوراعاسى اسىلبەك دۇيسەبايەۆ ايتتى.

CTS باسشىسىنىڭ سوزىنشە، جاقىن كۇندەرى گەولوگيالىق زەرتتەۋ جۇمىستارى باستالادى.

- قازىر وڭ جاعالاۋدا گەولوگيالىق زەرتتەۋ جۇرگىزىپ جاتىرمىز. الداعى كۇندەرى ارنايى قوندىرعىلار ورناتىلىپ، جەر قاباتى زەرتتەلە باستايدى. زەرتتەۋ ناتيجەلەرى دايىن بولعاننان كەيىن ەسكى ۆوكزالعا دەيىنگى جەلىنىڭ قۇرىلىسىنا كىرىسەمىز، - دەدى اسىلبەك دۇيسەبايەۆ.

ونىڭ ايتۋىنشا، جاڭا LRT جەلىسى سىعاناق كوشەسى بويىمەن ءوتىپ، «حان شاتىر» ماڭىندا تۇران داڭعىلىنا بۇرىلادى. ودان ءارى كەنەسارى كوشەسىنە دەيىن جالعاسادى. كەيىن قاجىمۇقان مۇڭايتپاسوۆ اتىنداعى ستاديون تۇسىنان جەڭىس داڭعىلىنا شىعىپ، ەسكى تەمىرجول ۆوكزالىنا دەيىن بارادى.

سونىمەن قاتار CTS باسشىسى بولاشاقتا وڭ جاعالاۋ مەن قوسشى باعىتىنا تارتىلاتىن بارلىق LRT جەلىلەرى ەستاكادا ارقىلى سالىناتىنىن ايتتى.

- بۇرىن قوسشى باعىتىنا LRT جەلىسىن جەر ۇستىمەن جۇرگىزۋ جوسپارلانعان ەدى. الايدا قازىر بۇل اۋماقتا قۇرىلىس قارقىندى ءجۇرىپ جاتىر. ەگەر جەلىنى جەرمەن جۇرگىزسەك، كولىك قوزعالىسىنا كەدەرگى كەلتىرەدى. سوندىقتان قازىر ەستاكادا ارقىلى سالۋدان باسقا مۇمكىندىك جوق، - دەدى ول.

دۇيسەبايەۆتىڭ سوزىنشە، جوبا ۋاقىتىلى قارجىلاندىرىلسا، جاڭا جەلىنى ءۇش جىل ىشىندە اياقتاۋعا بولادى.

ەسكە سالايىق، استاناداعى LRT جەلىسىنىڭ العاشقى كەزەڭى جولاۋشىلار ءۇشىن 16-17-مامىردا اشىلادى. LRT وپەراتورىنىڭ باعالاۋىنشا، العاشقى كەزەڭدە تاۋلىكتىك جولاۋشىلار لەگى 25 مىڭنان 45 مىڭ ادامعا دەيىن جەتۋى مۇمكىن.

العاشقى جەلى استانا حالىقارالىق اۋەجايىن «نۇرلى جول» ۆوكزالىمەن بايلانىستىرادى. باعىت بويىندا 18 ستانسا بولادى. ونىڭ 11 ءى جەر دەڭگەيىندە ورنالاسسا، 7 ەۋى ەستاكادا ۇستىندە سالىنادى.

پويىزداردىڭ ورتاشا جىلدامدىعى ساعاتىنا 60 شاقىرىمدى قۇرايدى. ال ەڭ جوعارى جىلدامدىعى ساعاتىنا 80 شاقىرىمعا دەيىن جەتەدى. جولاۋشىلار بۇكىل باعىتتى شامامەن 40 مينۋتتا ءجۇرىپ وتەدى.