استانالىقتارعا جاقسى مۇمكىندىك: 5 پايىزدىق يپوتەكامەن 562 پاتەر بەرىلەدى
استانا. KAZINFORM - استانادا 7-قازان كۇنى تۇرعىن ءۇي-كوممۋنالدىق ينفراقۇرىلىمدى دامىتۋدىڭ 2023-2029-جىلدارعا ارنالعان تۇجىرىمداماسى اياسىندا نەسيەگە بەرىلەتىن تۇرعىن ءۇي بويىنشا ءوتىنىش قابىلداۋ باستالادى.
بۇل تۋرالى قالالىق تۇرعىن ءۇي جانە تۇرعىن ءۇي ينسپەكتسياسى باسقارماسى حابارلادى.
تۇرعىن ءۇي ا91 كوشەسىندەگى 36، 36/1، 36/2 جانە 36/3 ۇيلەرىندە ورنالاسقان. نىسانداردىڭ كودى - 10336، 10338، 10339 جانە 10340.
وتىنىشتەر 7-19 قازان ارالىعىندا BaSpana Market سايتىنداعى جەكە كابينەت ارقىلى قابىلدانادى. كانديداتتاردى ىرىكتەۋ 21-قازانعا جوسپارلانعان.
جالپى 562 پاتەر ۇسىنىلادى. ونىڭ ىشىندە:
1 بولمەلى — 166 پاتەر؛
2 بولمەلى — 276 پاتەر؛
3 بولمەلى — 80 پاتەر؛
4 بولمەلى — 40 پاتەر.
تۇرعىن ۇيلەر بەس قاباتتى، ليفت قاراستىرىلماعان. پاتەرلەر تازا ارلەنگەن كۇيدە بەرىلەدى.
تۇرعىن ءۇيدىڭ ءبىر شارشى مەترىنىڭ قۇنى - 332916 تەڭگە.
نەسيە بويىنشا پايىزدىق مولشەرلەمە - %5، جىلدىق ءتيىمدى سىياقى مولشەرلەمەسى (ج ت س م) %5,2 دان %5,8 عا دەيىن. باستاپقى جارنا مولشەرى %10 دان باستالادى.
