استانالىقتار تەلەفونعا ەمەس، كىتاپقا ءۇڭىلدى: مارافونعا 126 مىڭ ادام قاتىستى

استانا. KAZINFORM - استانا تۇرعىندارى رەسپۋبليكالىق «وقيتىن ۇلت» مارافونى اياسىندا 100 مىڭعا جۋىق كىتاپ وقىدى.

оқушы, кітап оқу
Фото: Астана әкімдігі

ۇلتتىق جوباعا بۇگىندە 126926 ەلوردا تۇرعىنى قاتىسىپ جاتىر. ولاردىڭ قاتارىندا مەكتەپ وقۋشىلارى، ستۋدەنتتەر، پەداگوگتەر، مەملەكەتتىك قىزمەتشىلەر جانە ءتۇرلى سالا وكىلدەرى بار، دەپ حابارلايدى ەلوردا اكىمدىگىنىڭ رەسمي سايتى.

16-قاراشاداعى مالىمەت بويىنشا، مارافونعا قاتىسۋشىلار وقىعان شىعارمالارى تۋرالى پىكىرلەرىن قالدىرعان. ونىڭ ىشىندە 93768 پىكىر مودەراتسيادان ءساتتى ءوتىپ، وقىرماندارعا ءتيىستى ۇپايلار ەسەپتەلگەن.

مارافونعا ەڭ كوپ قاتىسىپ جاتقان —- ەلوردالىق مەكتەپ وقۋشىلارى.

оқушы, кітап оқу
Фото: Астана әкімдігі

«وقيتىن مەكتەپ» باعىتى 50566 قاتىسۋشىنى بىرىكتىرىپ، ەڭ اۋقىمدى باعىتقا اينالدى. ولار وقىعان كىتاپتارى تۋرالى 37751 پىكىر قالدىرعان.

جوباعا ستۋدەنت جاستار دا بەلسەندى قاتىسۋدا. «وقيتىن ۋنيۆەرسيتەت» باعىتىنا 21640 ادام تىركەلىپ، 7475 پىكىر جاريالاعان. ال ەلوردالىق كوللەدجدەردەن 20632 قاتىسۋشى قوسىلىپ، 20566 كىتاپ وقىعان.

кітапхана, кітап оқу, оқушы
Фото: Астана әкімдігі

مارافونعا 10447 پەداگوگ تە قاتىسىپ جاتىر. ولار 17593 پىكىر قالدىرعان. ونىڭ 17045 ءى مودەراتسيادان وتكەن.

ەلوردا اۋداندارىنىڭ تۇرعىندارى اراسىندا دا وقۋعا دەگەن قىزىعۋشىلىق جوعارى.

кітап оқу
Фото: Астана әкімдігі

ايتا كەتەيىك، «وقيتىن ۇلت» ۇلتتىق جوباسى كىتاپ وقۋدى ناسيحاتتاۋعا، وتاندىق جانە الەم ادەبيەتىنە دەگەن قىزىعۋشىلىقتى ارتتىرۋعا، سونداي-اق حالىق اراسىندا وقۋ مادەنيەتىن قالىپتاستىرۋعا باعىتتالعان.

кітап оқу
Фото: Астана әкімдігі

مارافوننىڭ كىتاپ وقۋ كەزەڭى 2027-جىلعى 9-ناۋرىزعا دەيىن جالعاسادى.

ودان كەيىن قاتىسۋشىلار تەستىلەۋ مەن زياتكەرلىك كۆيزدەرگە قاتىسادى.

кітапхана
Фото: Астана әкімдігі

بارلىق كەزەڭنىڭ قورىتىندىسى بويىنشا رەسپۋبليكالىق دەڭگەيدە جىلدىڭ ۇزدىك 10 وقىرمانى انىقتالادى.

بۇعان دەيىن ۇلتتىق كىتاپحاناعا كەلەتىن جاستار سانى كوبەيگەنىن جازعانبىز.