استانالىقتار دەمالىستا قانداي اۋىل شارۋاشىلىعى ونىمدەرىن ارزانعا الا الادى

استانادا 17-18 قازان كۇندەرى سولتۇستىك قازاقستان، پاۆلودار جانە ۇلىتاۋ وبلىستارىنىڭ تاۋار وندىرۋشىلەرى قاتىساتىن كەزەكتى اۋىل شارۋاشىلىعى جارمەڭكەسى وتەدى. ءۇش ءوڭىردىڭ شارۋالارى ەلوردا تۇرعىندارى مەن قوناقتارىنا 1600 توننادان استام ازىق-تۇلىك ءونىمىن ۇسىنادى.

جارمەڭكەدە ەت جانە ەت ونىمدەرى، ءسۇت ونىمدەرى، كوكونىستەر، جۇمىرتقا، بالىق، بال، باكالەيا تاۋارلارى جانە باسقا دا ازىق-تۇلىك تۇرلەرى ساتىلادى.

سولتۇستىك قازاقستان وبلىسىنان 1000 توننادان استام ءونىم جەتكىزىلەدى. ونىڭ ىشىندە 110 توننا ەت جانە ەت ونىمدەرى، 400 توننادان استام كوكونىس، 180 توننادان استام ءسۇت ونىمدەرى، 80 توننادان استام باكالەيا تاۋارلارى، 5 توننا بالىق، 10 توننا بال، سونداي-اق 240 مىڭ دانا تاۋىق جۇمىرتقاسى بار.

پاۆلودار وبلىسىنىڭ تاۋار وندىرۋشىلەرى 110 توننا ەت جانە ەت ونىمدەرىن، 440 توننا كوكونىس، 17 توننا ءسۇت ونىمدەرىن، 24 توننا باكالەيا تاۋارلارىن، 14 توننا بالىق، 10 توننا بال، 100 مىڭ دانا تاۋىق جۇمىرتقاسىن جانە باسقا دا ونىمدەردى ۇسىنادى.

ۇلىتاۋ وبلىسىنان جارمەڭكەگە 60 توننا ەت جانە ەت ونىمدەرى، 20 توننا ءسۇت ونىمدەرى جانە باسقا دا ازىق-تۇلىك تاۋارلارى جەتكىزىلەدى.

اكىمدىك ءمالىم ەتكەندەي، اۋىل شارۋاشىلىعى جارمەڭكەلەرىن وتكىزۋدىڭ نەگىزگى ماقساتى - ەلوردا تۇرعىندارىن قولجەتىمدى باعامەن ساپالى وتاندىق ونىمدەرمەن قامتاماسىز ەتۋ. ساتىپ الۋشىلار ازىق-تۇلىك تاۋارلارىن دەلدالسىز، تىكەلەي وندىرۋشىلەردەن ساتىپ الا الادى.