استانادا قىزدى كولىگىمەن قاعىپ، وقيعا ورنىنان كەتىپ قالعان جۇرگىزۋشى انىقتالدى
استانا. قازاقپارات - استانادا قىزدى قاعىپ، وقيعا ورنىنان كەتىپ قالعان جۇرگىزۋشى انىقتالدى، دەپ حابارلايدى BAQ. KZ.
الەۋمەتتىك جەلىدە استانادا بولعان جول اپاتىنىڭ ۆيدەوسى تارادى. ۆيدەودان كوشەدە كەتىپ بارا جاتقان قىزدى كولىك قاعىپ، كەيىن تۇك بولماعانداي كەتىپ قالعانىن كورۋگە بولادى. ال قىزدى قاعىپ، كولىك جۇرگىزۋشىسىنىڭ توقتاماستان ول جەردەن كەتىپ قالعانى باسقا كولىكتىڭ بەينەتىركەگىشىنە جازىلىپ قالعان.
وقيعاعا قاتىستى استانا قالاسىنىڭ پ د پ پ م ب BAQ. KZ ساۋالىنا جاۋاپ جازدى.
«Jetour T2» اۆتوكولىگىنىڭ جۇرگىزۋشىسى انىقتالدى. كولىك كوممۋنالدىق تۇراققا قويىلدى. قازىرگى ۋاقىتتا جول-كولىك وقيعاسى بويىنشا تەكسەرۋ جۇرگىزىلۋدە. ونىڭ ناتيجەسى بويىنشا قولدانىستاعى زاڭناماعا سايكەس ءتيىستى شارالار قابىلدانادى، - دەلىنگەن حابارلامادا.
