استانادا LRT جانە اۆتوبۋسپەن ءجۇرۋ ءبىر كۇنگە تەگىن بولادى
استانا. قازاقپارات – 23-تامىزدا، ياعني قۇرىلتاي دەپۋتاتتارىن سايلاۋ وتەتىن كۇنى استانادا قوعامدىق كولىكپەن جول ءجۇرۋ تەگىن بولادى.
CTS مالىمەتىنشە، بۇل شارا ازاماتتاردىڭ ءجۇرىپ-تۇرۋىنا قولايلى جاعداي جاساۋعا جانە سايلاۋ ۋچاسكەلەرىنىڭ قولجەتىمدىلىگىن ارتتىرۋعا باعىتتالعان.
تەگىن جول ءجۇرۋ مىنا باعىتتاردا قولدانىلادى:
Tarlan Astana جەڭىل رەلستى كولىك جۇيەسىندە؛
قالالىق باعىتتا؛
ەكسپرەسس باعىتتا؛
قالا ماڭىنداعى باعىتتا.
ايتا كەتەيىك، قۇرىلتاي سايلاۋى (ءبىرپالاتالى پارلامەنت) 23-تامىزعا بەلگىلەنگەن بولاتىن. سايلاۋعا 7 ساياسي پارتيا قاتىسادى، ولاردىڭ تىزىمىندە 546 كانديدات بار.
