استانادا LRT ۆاگونى وقۋشىلاردىڭ پاتريوتتىق انىمەن تەربەلدى
استانا. KAZINFORM - استانالىق وقۋشىلار رەسپۋبليكا كۇنىنە وراي Tarlan Astana-دا ەرەكشە فلەشموب ۇيىمداستىردى، دەپ حابارلايدى ەلوردا اكىمدىگىنىڭ رەسمي سايتى.
استاناداعى 104-جالپى ورتا مەكتەپتىڭ وقۋشىلارى رەسپۋبليكا كۇنى قارساڭىندا «Tarlan Astana» جەڭىل رەلستى كولىگىندە «كوك تۋدىڭ جەلبىرەگەنى» پاتريوتتىق ءانىن ورىندادى.
مەرەكەگە وراي ۇيىمداستىرىلعان باستاما وسكەلەڭ ۇرپاقتىڭ بويىندا ەلگە دەگەن پاتريوتتىق سەزىمدى كۇشەيتۋگە، ەل تاۋەلسىزدىگى مەن مەملەكەتتىك رامىزدەرگە دەگەن قۇرمەتتى ارتتىرۋعا باعىتتالعان.
مەكتەپ ديرەكتورى نۇرتاس قۇرمانعالي ۇلىنىڭ ايتۋىنشا، بۇل باستامانىڭ باستى ماقساتى - وقۋشىلارعا رەسپۋبليكا كۇنىنىڭ ءمانىن ءتۇسىندىرىپ، ولاردىڭ تۋعان ەلىنە دەگەن ماقتانىشىن نىعايتۋ.
- رەسپۋبليكا كۇنى - ەلدىگىمىزدى ايشىقتاپ، ەگەمەندىگىمىزدى ۇلىقتايتىن ەرەكشە مەرەكە. وسى ايتۋلى كۇنگە وراي وقۋشىلارعا «كوك تۋدىڭ جەلبىرەگەنى» ءانىن ورىنداتىپ، ولاردىڭ جۇرەگىنە وتانعا دەگەن سۇيىسپەنشىلىك پەن تۋعان جەرگە دەگەن ماقتانىش سەزىمىن ۇيالاتۋدى ماقسات ەتتىك. ويتكەنى تاۋەلسىز ەلدىڭ وسكەلەڭ ۇرپاعىن وتانسۇيگىشتىككە باۋلىپ، مەملەكەتتىك رامىزدەردى قۇرمەتتەۋگە، ۇلتتىق قۇندىلىقتاردى قادىرلەۋگە تاربيەلەۋ - ءبىزدىڭ باستى مىندەتىمىز، - دەدى مەكتەپ ديرەكتورى.
بۇدان بۇرىن رەسپۋبليكا كۇنى قارساڭىندا «كىتاپ وقيتىن ۇلت» جوباسىنىڭ ءانۇرانى تانىستىرىلعانىن جازعانبىز.
