استانادا جەڭىلدىك كولىك كارتاسىن كىمدەر راسىمدەي الادى

17-قازاننان باستاپ ەلوردانىڭ قوعامدىق اۆتوبۋستارىندا جول جۇرۋگە ارنالعان وقۋشىلار مەن جەڭىلدىك ساناتىنداعى ازاماتتاردىڭ اتاۋلى كولىك كارتالارىن Tarlan Astana-نىڭ 18 ستانتسياسىندا راسىمدەۋگە بولادى.

ورتالىق كاسسادان بولەك، كولىك كارتالارىن راسىمدەيتىن مامانداندىرىلعان كاسسالاردىڭ سانى ارتادى. بۇل ەلوردا تۇرعىندارى ءۇشىن اتالعان قىزمەتتىڭ قولجەتىمدىلىگىن ارتتىرۋعا مۇمكىندىك بەرەدى.

اتالعان كاسسالاردا اۆتوبۋستا جانە «Tarlan Astana» جەڭىل رەلستى كولىگىندە جولاقى تولەۋگە ارنالعان جەڭىلدىگى بار جانە مەكتەپ كولىك كارتالارىن راسىمدەۋگە بولادى.

اتاۋلى كولىك كارتالارىن مىنا ساناتتاعى ازاماتتار راسىمدەي الادى:

• ەلورداداعى وقۋ ورىندارىندا ءبىلىم الاتىن 7 مەن 18 جاس ارالىعىنداعى وقۋشىلار؛

• استانا ق. تىركەلگەن جانە تۇراقتى تۇراتىن، استانا ق. ءماسليحاتى بەكىتكەن جەڭىلدىك ساناتتارىنا جاتاتىن ازاماتتار.

مەكتەپ كولىك كارتاسىن راسىمدەۋ ءۇشىن مىنا قۇجاتتار قاجەت:

• اتا-اناسىنىڭ نەمەسە زاڭدى وكىلدەرىنىڭ ءبىرىنىڭ جەكە كۋالىگىنىڭ ءتۇپنۇسقاسى نە ءتولقۇجاتى؛

• بالانىڭ ج س ن كورسەتىلگەن تۋۋ تۋرالى كۋالىگىنىڭ ءتۇپنۇسقاسى؛

• استانا ق. وقۋ ورنىنان انىقتامانىڭ ءتۇپنۇسقاسى؛

• ولشەمى 3 × 4 س م نەمەسە 4 × 6 س م ءتۇرلى ءتۇستى فوتوسۋرەت.

جەڭىلدىك كولىك كارتاسىن راسىمدەۋ ءۇشىن قاجەتتى قۇجاتتار:

• جەكە كۋالىكتىڭ ءتۇپنۇسقاسى نەمەسە ءتولقۇجات؛

• زەينەتكەرلىك كۋالىكتىڭ ءتۇپنۇسقاسى؛

• ولشەمى 3 × 4 س م نەمەسە 4 × 6 س م ءتۇرلى ءتۇستى فوتوسۋرەت.

eGov Mobile ءموبيلدى قوسىمشاسىنداعى سيفرلىق قۇجاتتاردى، ونىڭ ىشىندە «الەۋمەتتىك ID» قۇجاتى دا جارامدى.

ايتا كەتەلىك استانادا قوعامدىق كولىكتە جول ءجۇرۋ اقىسى 150 تەڭگەگە كوتەرىلمەك. سونىمەن قاتار ەلوردا اۆتوبۋستارىندا قولما-قول اقشامەن جولاقى تولەۋ قايتا ەنگىزىلمەك.