استانادا ءۇش وبلىستىڭ ءدامى توعىسادى: جارمەڭكەگە 400 توننا ءونىم قويىلادى
استانا. KAZINFORM - استانادا 26-27-قىركۇيەك كۇندەرى ماڭعىستاۋ، الماتى جانە اباي وبلىستارىنىڭ تاۋار وندىرۋشىلەرى قاتىساتىن كەزەكتى اۋىل شارۋاشىلىعى جارمەڭكەسى وتەدى، دەپ حابارلايدى استانا اكىمدىگىنىڭ رەسمي سايتى.
تۇرعىندارعا فەرمەرلەردەن تىكەلەي جەتكىزىلەتىن ەت، بالىق، ءسۇت جانە ازىق-تۇلىك ونىمدەرىنىڭ ءتۇر-ءتۇرى ۇسىنىلادى. بۇل ازىق-تۇلىكتىڭ قولجەتىمدىلىگىن ارتتىرىپ قانا قويماي، وتاندىق وندىرۋشىلەردى قولداۋعا مۇمكىندىك بەرەدى.
اتاپ ايتقاندا، ءۇش ءوڭىردىڭ اۋىل شارۋاشىلىعى تاۋارىن وندىرۋشىلەرى استاناعا 400 توننادان استام ءونىم اكەلەدى. ونىڭ ىشىندە 170 توننا كوكونىس پەن جەمىس-جيدەك، 100 توننا ەت جانە ەت ونىمدەرى، 40 توننا بال، 25 توننا ءسۇت ونىمدەرى، 17 توننا باقشا ءونىمى، 10 توننا بالىق جانە 40 توننادان استام باسقا دا ازىق-تۇلىك بار.
جارمەڭكە «قازانات» يپپودرومىنىڭ اۆتوتۇراعىندا، قارقارالى تاسجولى، 1 مەكەنجايىندا وتەدى.
سونداي-اق جارمەڭكە كەزىندە ەلوردا تۇرعىندارى مەن قوناقتارىنا ىڭعايلى بولۋ ءۇشىن اتالعان ورىنعا 18، 37 جانە 303-اۆتوبۋس باعىتتارى قاتىنايدى.
جارمەڭكە ساعات 09:00 دەن 18:00 گە دەيىن جۇمىس ىستەيدى.
بۇعان دەيىن تۇركىستان وبلىسىندا الەۋمەتتىك ماڭىزى بار ازىق-تۇلىك قورى قانشا ايعا جەتەتىنىن جازعانبىز.
