استانادا اۆتوتۇراقتا تۇرعان بەس كولىك ورتەندى
استانا. KAZINFORM - استانانىڭ سارايشىق اۋدانىندا تۇرعىن ءۇي كەشەنىنىڭ جانىنداعى اۆتوتۇراقتا بەس جەڭىل اۆتوكولىك ورتەندى.
وقيعا ا. بايتۇرسىن ۇلى كوشەسىندە بولعان.
قۇتقارۋشىلاردىڭ العاشقى بولىمشەلەرى وقيعا ورنىنا جەتكەن كەزدە، كولىكتەردىڭ بارلىعى اشىق جالىنمەن جانىپ جاتقان. قاتتى جەلدىڭ سالدارىنان جالىن ءبىر- بىرىنە جاقىن تۇرعان كولىكتەرگە تەز تاراعان.
- وقيعا ورنىنا ءورت سوندىرۋشىلەر 7 مينۋت ىشىندە جەتىپ، ءورتتى جەدەل تۇردە ءسوندىردى. قازىرگى ۋاقىتتا ءورتتىڭ شىعۋ سەبەبى انىقتالىپ جاتىر. قاتتى جەل كەزىندە وتتىڭ تارالۋى وتە جىلدام بولۋى مۇمكىن. ءورت بەلگىلەرىن بايقاساڭىز، دەرەۋ 112 نومىرىنە حابارلاسىڭىز،-دەلىنگەن ت ج م حابارلاماسىندا.
ايتا كەتەيىك، بۇعان دەيىن استانا قالاسىنىڭ توتەنشە جاعدايلار دەپارتامەنتى جىل باسىنان بەرى ەلوردادا 102 اۆتوكولىك ورتەنگەنىن حابارلاعان. مامانداردىڭ مالىمەتىنشە، كولىكتەگى ورتتەردىڭ %85 ى ەلەكتر سىمدارىنىڭ قىسقا تۇيىقتالۋىنان بولادى.
