استانادا اسكەري اۆياتسيا ۇشىپ، كوشەلەردە كولىك قوزعالىسى شەكتەلەدى
استانا. KAZINFORM - استانادا ءبىرقاتار اۋقىمدى حالىقارالىق ساياسي ءىس-شارا وتكىزىلۋىنە بايلانىستى 10-14-قازاندا قالا كوشەلەرىنىڭ كەيبىر بولىگىندە كولىك جۇرۋىنە ۋاقىتشا شەكتەۋ قويىلادى.
بۇل تۋرالى مەملەكەتتىك كۇزەت قىزمەتى مالىمدەدى.
ءىس-شارالاردا قازاقستاننىڭ ارنايى مەملەكەتتىك، قۇقىق قورعاۋ ورگاندارى جانە قارۋلى كۇشتەردىڭ كۇشتەرى مەن قۇرالدارىن پايدالانۋ كوزدەلگەن.
سونىمەن قاتار، 9-قازاننان باستاپ قالانىڭ اۋە كەڭىستىگىندە اسكەري اۆياتسيانىڭ ۇشۋ جاتتىعۋلارى جوسپارلانعان.
«ەلوردا تۇرعىندارى مەن قوناقتارىنان حالىقارالىق دەڭگەيدەگى ماڭىزدى وقيعا ۋاقىتىندا وتكىزىلەتىن قاۋىپسىزدىك شارالارىنا تۇسىنىستىكپەن قاراۋدى سۇرايمىز»، - دەپ جازىلعان حابارلامادا.
