استانادا اشىلاتىن جاڭا بالالار تراۆمپۋنكتى قانداي بولادى

استانادا ەرەسەكتەر مەن بالالارعا كورسەتىلەتىن جەدەل مەديتسينالىق كومەكتىڭ مۇمكىندىكتەرى كەڭەيىپ كەلەدى. قازان ايىندا № 2-كوپبەيىندى قالالىق بالالار اۋرۋحاناسىنىڭ بازاسىندا جاڭا بالالار تراۆمپۋنكتىن اشۋ جوسپارلانعان.

قۇرىلىس نىساندارىن ىسكە اسىرۋ بارىسىمەن جانە ءۇش كوپبەيىندى ستاتسيوناردىڭ جۇمىسىمەن دەنساۋلىق ساقتاۋ ءمينيسترى اقمارال ءالنازاروۆا تانىستى.

جاڭا تراۆمپۋنكتتە زاماناۋي رەانيماتسيا ءبولىمى، وپەراتسيالىق بلوك جانە قاجەتتى مەديتسينالىق جابدىقتار كوزدەلگەن. نىسان بالالارعا شۇعىل مەديتسينالىق كومەك كورسەتۋ قىزمەتىنە تۇسەتىن جوعارى جۇكتەمەنى جانە مەديتسينالىق كومەكتى ۇيىمداستىرۋدىڭ زاماناۋي تالاپتارىن ەسكەرە وتىرىپ جوبالانعان.

بۇل كىشكەنتاي پاتسيەنتتەردى قابىلداۋعا بارىنشا قولايلى جاعداي جاساپ، جاراقات العان بالالارعا مەديتسينالىق كومەكتى ۋاقتىلى ءارى ساپالى كورسەتۋگە مۇمكىندىك بەرەدى.

№ 1 كوپبەيىندى قالالىق اۋرۋحانادا مينيستر جاڭارتىلعان قابىلداۋ ءبولىمىن جانە بەيىندى بولىمشەلەردى ارالاپ، مەديتسينالىق كومەكتى ۇيىمداستىرۋ بارىسىمەن جانە اۋرۋحانانى ودان ءارى جاڭعىرتۋ جوسپارلارىمەن تانىستى.

بيىلعى جىلدىڭ سەگىز ايىندا ستاتسيوناردا 19,7 مىڭنان استام پاتسيەنت ەم قابىلداپ، 11 مىڭنان استام وپەراتسيا جاسالعان. وتكەن جىلدىڭ سايكەس كەزەڭىمەن سالىستىرعاندا حيرۋرگيالىق كومەكتىڭ كولەمى ارتىپ، پاتسيەنتتەردىڭ ستاتسيوناردا ەمدەلۋىنىڭ ورتاشا ۇزاقتىعى قىسقارعان.

2027 -جىلى اۋرۋحانانى رەكونسترۋكتسيالاۋ جوسپارلانعان. جوبا ينفراقۇرىلىمدى جاڭارتۋعا، سونداي-اق پاتسيەنتتەر مەن مەديتسينا قىزمەتكەرلەرى ءۇشىن قولايلى جاعداي جاساۋعا باعىتتالعان.

مەديتسينالىق ۇيىمدارعا بارۋ قورىتىندىسى بويىنشا قۇرىلىس جۇمىستارىن ۋاقتىلى اياقتاۋ، جاڭا بولىمشەلەردى قاجەتتى جابدىقتارمەن قامتاماسىز ەتۋ جانە ولاردى اشۋعا دايىنداۋ ماسەلەلەرى قارالدى.

وسىدان بۇرىن دارىگەرلەرگە سىنىق پەن اۋىر جاراقات كەزىندە قاجەت قۇرالدار كوبەيەتىنىن جازعانبىز.