استانادا ادام ولىمىنە اكەلگەن جول اپاتى: اۆتوبۋس جۇرگىزۋشىسىنە ۇكىم شىقتى
استانا. KAZINFORM - استانادا ۇيالى تەلەفونمەن سويلەسىپ وتىرىپ، 57 جاستاعى ايەلدى قاعىپ ولتىرگەن اۆتوبۋس جۇرگىزۋشىسى 2 جىل 1 ايعا باس بوستاندىعىنان ايىرىلدى. سونداي-اق ول بەس جىل بويى كولىك باسقارۋ قۇقىعىنان ايىرىلدى.
سوت ۇكىمى زاڭدى كۇشىنە ەندى. بۇل تۋرالى استانا قالاسىنىڭ پروكۋراتۋراسى ءمالىم ەتتى.
- اۆتوبۋس جۇرگىزۋشىسى كولىك قۇرالىن باسقارىپ كەلە جاتىپ، ۇيالى تەلەفون ارقىلى سويلەسكەن كەزدە رەتتەلمەيتىن جاياۋ جۇرگىنشىلەر وتكەلىندە 57 جاستاعى ايەلدى قاعىپ كەتكەن. جابىرلەنۋشى العان اۋىر دەنە جاراقاتتارىنىڭ سالدارىنان اۋرۋحانادا قايتىس بولدى، استانادا ادام ولىمىنە اكەلگەن جول اپاتى: اۆتوبۋس جۇرگىزۋشىسى جازالاندى دەلىنگەن حابارلامادا.
سوتتا مەملەكەتتىك ايىپتاۋشى سوتتالۋشىنىڭ كىناسىن تولىق دالەلدەدى. سوت ۇكىمىمەن وعان 2 جىل 1 اي مەرزىمگە باس بوستاندىعىنان ايىرۋ جازاسى تاعايىندالىپ، 5 جىل مەرزىمگە كولىك قۇرالىن باسقارۋ قۇقىعىنان ايىرىلدى. سوت ۇكىمى زاڭدى كۇشىنە ەندى.
ەلوردا پروكۋراتۋراسى جۇرگىزۋشىلەر مەن جاياۋ جۇرگىنشىلەردى جول ءجۇرىسى قاعيدالارىن ساقتاۋعا شاقىرادى، سونداي-اق كولىك قۇرالىن باسقارۋ كەزىندە ۇيالى تەلەفون پايدالانۋعا قاتاڭ تىيىم سالىنعانىن ەسكە سالادى.
بۇعان دەيىن الماتىدا اۆتوبۋس جۇك كولىگىمەن سوقتىعىسىپ، ءتورت ادام زارداپ شەككەن ەدى.
