استانا - پەتروپاۆل جولىنداعى جانتۇرشىگەرلىك اپات: پوليتسەي كوماعا ءتۇستى
استانا. KAZINFORM - استانا - پەتروپاۆل اۆتوجولىندا پاترۋلدىك اۆتوكولىك قاتىسقان جول- كولىك وقيعاسىنان پوليتسيا قىزمەتكەرى اۋىر جاراقات الدى، دەپ حابارلايدى BAQ. KZ.
3-قاراشادا استانا - پەتروپاۆل تاسجولىندا پوليتسيانىڭ قىزمەتتىك اۆتوكولىگىنىڭ قاتىسۋىمەن جول-كولىك وقيعاسى بولدى.
الدىن الا مالىمەت بويىنشا، JAC T9 اۆتوكولىگىنىڭ جۇرگىزۋشىسى جىلدامدىق رەجيمى مەن قاۋىپسىز اراقاشىقتىقتى ساقتاماي، پاترۋلدىك كولىكپەن سوقتىعىسقان. اپات بولعان ساتتە پوليتسەيلەر جول قوزعالىسى قاۋىپسىزدىگىن قامتاماسىز ەتىپ، ارنايى جول تەحنيكاسىن سۇيەمەلدەپ بارا جاتقان.
ج ك و سالدارىنان 35 جاستاعى پوليتسيا قىزمەتكەرى باسىنان اۋىر جاراقات الدى. وقيعادان كەيىن ول شورتاندى اۋداندىق اۋرۋحاناسىنا جەتكىزىلدى.
قولدا بار اقپاراتقا سايكەس، زارداپ شەگۋشى كومادا جاتىر. دارىگەرلەرگە سانيتاريالىق اۆياتسيا بريگاداسى كەلىپ جەتتى، قازىرگى ۋاقىتتا دارىگەرلەر كونسيليۋمى وتكىزىلۋدە.
BAQ. KZ ساۋالىنا شورتاندى اۋداندىق اۋرۋحاناسى حابارلاعانداي، پوليتسيا قىزمەتكەرىن ودان ءارى تەكسەرۋ مەن ەمدەۋ ءۇشىن سانيتاريالىق اۆياتسيامەن ەلوردالىق اۋرۋحانالاردىڭ بىرىنە جەتكىزۋ جوسپارلانىپ وتىر.
جول-كولىك وقيعاسى دەرەگى بويىنشا سوتقا دەيىنگى تەرگەپ-تەكسەرۋ جۇرگىزىلۋدە. وقيعانىڭ بارلىق ءمان-جايى مەن سەبەپتەرى انىقتالۋدا.
