استانا تۇرعىندارىنا 86500 تەڭگەگە دەيىن كومەك بەرىلەدى: تولەمدى كىمدەر الادى؟
استانا. KAZINFORM - استانادا 11-قازاندا اتالىپ وتەتىن مۇگەدەكتىگى بار ادامدار كۇنىنە وراي ءبىرجولعى الەۋمەتتىك تولەمدەر بەرىلەدى. بيىل بۇل كۇن 11-قازاندا اتالىپ وتەدى.
تولەم مولشەرى بارلىق مۇگەدەكتىك توپتارى ءۇشىن ءارتۇرلى كولەمدە بەلگىلەنگەن.
استانا اكىمدىگى تولەمدەردىڭ مىناداي مولشەرىن بەكىتتى:
I توپ - 86500 تەڭگە (20 ا ە ك)؛
II توپ جانە مۇگەدەكتىگى بار بالالار - 43250 تەڭگە (10 ا ە ك)؛
III توپ - 21625 تەڭگە (5 ا ە ك).
اكىمدىكتە اتاپ وتكەندەي، الۋشىلار ەشقايدا بارۋدىڭ قاجەتى جوق. تولەمدەر اۆتوماتتى تۇردە ەسەپشوتقا تۇسەدى.
«نازار اۋدارىڭىزدار! ەگەر ادام جۋىردا تۇرعىلىقتى جەرىن اۋىستىرعان بولسا، مۇگەدەكتىگى بويىنشا جاردەماقى الۋشىنىڭ ءىسى استانا قالاسىنداعى جاڭا تۇرعىلىقتى جەرىنە اۋىستىرىلعانىن تەكسەرۋ قاجەت. قاعيدالارعا سايكەس، ءبىرجولعى الەۋمەتتىك كومەك كۇنتىزبەلىك جىل ىشىندە تەك ءبىر نەگىز بويىنشا ءبىر رەت تاعايىندالادى. وسىعان بايلانىستى، ەگەر ادام اعىمداعى كۇنتىزبەلىك جىل ىشىندە باسقا نەگىز بويىنشا ءبىرجولعى الەۋمەتتىك كومەكتى بۇرىن الىپ قويعان بولسا، مۇگەدەكتىگى بار ادامدار كۇنىنە وراي قايتا تولەم جاسالمايدى»، - دەپ ءتۇسىندىردى استانا اكىمدىگى.
ايتا كەتەيىك، بۇعان دەيىن اتىراۋلىقتار مەرەكەگە وراي 86 مىڭ تەڭگەدەن الاتىنى حابارلاندى.
