استانا مەن قۇلجا اراسىندا تىكەلەي اۋە رەيسى اشىلماق

جاڭا رەيس اپتاسىنا ءۇش رەت - دۇيسەنبى، سارسەنبى جانە سەنبى كۇندەرى ۇشادى. استانادان 7:55 تە ۇشىپ شىعادى، قۇلجاعا بەيجىڭ ۋاقىتى بويىنشا ساعات 13:20 دا قونادى. كەرى قاراي قۇلجادان 15:20 دا ۇشىپ شىعىپ، قازاقستان استاناسىنا جەرگىلىكتى ۋاقىت بويىنشا ساعات 14:50 دە كەلەدى.

FlyArystan كومپانياسىنىڭ پرەزيدەنتى جانە باس ديرەكتورى يوحان ەيدحاگەن استانا-قۇلجا رەيسىنىڭ ىسكە قوسىلۋى اۋە كومپانياسىنىڭ قىتايداعى بەدەلىن نىعايتىپ، قازاقستان مەن قىتايدىڭ شىڭجاڭ-ۇيعىر اۆتونوميالىق اۋدانى اراسىندا جاڭا تىكەلەي اۋە بايلانىستارىن جاقسارتاتىنىن اتاپ ءوتتى.

- قۇلجا ءبىزدىڭ باعىت جەلىلەرىمىز ءۇشىن ماڭىزدى قوسىمشا بولادى، ول قازاقستاندى ەلىمىزبەن ۇزاق مەرزىمدى مادەني بايلانىستارى بار ايماقپەن بايلانىستىرادى. جاڭا رەيس ىسكەرلىك جانە دەمالىس ساپارلارىنا شىعۋدى، سونداي-اق وتباسى مۇشەلەرى مەن دوستارىنا بارۋدى جەڭىلدەتەدى. ءبىز باسەكەگە قابىلەتتى تاريفتەر ارقىلى اۋە ساپارلارىن قولجەتىمدى ەتۋگە جانە جولاۋشىلارعا ءوز قاجەتتىلىكتەرىنە ساي قىزمەتتەردى تاڭداۋ مۇمكىندىگىن بەرۋگە تىرىسامىز، - دەدى ەيدحاگەن.

بۇل باعىت FlyArystan نىڭ قازاقستاننان قۇلجاعا باراتىن ەكىنشى باعدارى. 2025 -جىلى كومپانيا الماتى-قۇلجا رەيسىن اشقان. قازىرگى ۋاقىتتا اۋە كومپانياسى قىتايدىڭ ءۇرىمشى، قۇلجا، سيان جانە چۋنتسين قالالارىنا قاتىنايدى.