استانا-قاراعاندى-الماتى اۆتوجولىنىڭ ءبىر بولىگى ۋاقىتشا جابىلادى

شەكتەۋ 17-20-تامىز ارالىعىندا كۇن سايىن ساعات 06:00 دەن 20:00 گە دەيىن ەنگىزىلەدى.

- كورسەتىلگەن ۋاقىتتا 1177-شاقىرىمنان، ياعني اقساي اۋىلىنان 1186-شاقىرىمعا، جىبەك جولى اۋىلىنا دەيىنگى ۋچاسكەدە بارلىق اۆتوكولىك تۇرلەرىنىڭ قوزعالىسى شەكتەلەدى، - دەلىنگەن حابارلامادا.

جابىق ۋچاسكەنى «اقساي-بايكەنت» → «بايكەنت-بورالداي» → «بورالداي-جىبەك جولى» باعىتى ارقىلى اينالىپ وتۋگە بولادى.

جۇرگىزۋشىلەرگە ساپار باعىتىن الدىن الا جوسپارلاپ، ۋاقىتشا شەكتەۋلەردى ەسكەرۋ جانە جول بەلگىلەرىنىڭ تالاپتارىن ساقتاۋ ۇسىنىلدى.

قوزعالىستى ۋاقىتشا شەكتەۋ جوندەۋ-قۇرىلىس جۇمىستارىن قاۋىپسىز ءارى ساپالى جۇرگىزۋ ءۇشىن ەنگىزىلىپ وتىر.

ايتا كەتەيىك، سولتۇستىك قازاقستاندا جولدىڭ ءبىر بولىگى 22-تامىزعا دەيىن جابىلدى.