اسلانبەك شىمبەرگەنوۆ ازيا ويىندارىنىڭ قولا جۇلدەگەرى اتاندى
قىتايدىڭ حاڭجوۋ قالاسىندا ءوتىپ جاتقان ازيا ويىندارىندا بوكستان الەم چەمپيونى اسلانبەك شىمبەرگەنوۆ قولا جۇلدەگەر اتاندى، دەپ حابارلايدى قازاقپارات ءتىلشىسى.

قازاقستان ۇلتتىق قۇراماسىنىڭ كاپيتانى ا. شىمبەرگەنوۆ 71 كەلىگە دەيىن سالماقتا 2021-جىلعى الەم چەمپيونى، جاپونيالىق سيەۆون وكادزاۆامەن قولعاپ ءتۇيىستىردى.
شيرەك فينالدا وزبەكستاندىق الەم چەمپيونى اسادحۋدجا مۋيدينحۋدجايەۆتان تورەشىلەر شەشىمىمەن العاشقى ەكى راۋندتا جەڭىلىپ جاتىپ، اقىرى نوكاۋتقا جىبەرگەن اسلانبەككە بارشا قازاق ەلى وسى ازيا ويىندارىندا ۇلكەن ءۇمىت ارتقانى انىق.
س. وكادزاۆا - وتە جىلدام قيمىلدايتىن، قاشا ءجۇرىپ، ۇپاي الۋعا تىرىساتىن بوكسشى. سوعان قاراماستان، ءبىرىنشى راۋندتا بەس تورەشىنىڭ ۇشەۋى اسلانبەك باسىم دەپ تاپتى. ەكىنشى كەزەڭدە دە سولاي بولدى. الايدا تورەشىلەر جەكپە-جەك قورىتىندىسىندا جەڭىستى جاپونيالىق بوكسشىعا بەرىپ جىبەردى - 2:3.
س. وكادزاۆا التىن جۇلدە ءۇشىن تايبەيلىك كان چيا ۆەيمەن تالاسادى.
ەسكە سالا كەتەيىك، بۇدان بۇرىن ازيا ويىندارىندا اسلانبەك شىمبەرگەنوۆتىڭ وزبەكستاندىق بوكسشىنى نوكاۋتپەن جەڭگەنىن جازعان بولاتىنبىز.
سونداي-اق ماريا بروۆكوۆا ازيا ويىندارىنىڭ قولا جۇلدەگەرى اتاندى.
اعايىندى ەمەليانوۆتار ازيا ويىندارىنىڭ كۇمىس جۇلدەگەرى اتاندى.
قازاقستان قورجىنىنا تاعى ءبىر كۇمىس مەدال ءتۇستى.
الەكسەي لۋتسەنكو قازاقستان قورجىنىنا بەسىنشى التىن مەدالدى سالدى.