اسەل جاناسوۆا كولىك ءمينيسترى بولىپ تاعايىندالدى

- مەملەكەت باسشىسىنىڭ جارلىعىمەن اسەل جۇبانىش قىزى جاناسوۆا قازاقستان رەسپۋبليكاسى پرەمەر-ءمينيسترىنىڭ ورىنباسارى - كولىك ءمينيسترى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى، - دەلىنگەن حابارلامادا.

اسەل جۇبانىش قىزى جاناسوۆا 1987 -جىلى الماتى قالاسىندا دۇنيەگە كەلگەن.

2010 -جىلى «بولاشاق» حالىقارالىق باعدارلاماسى بويىنشا كەمبريدج ۋنيۆەرسيتەتىندە (كومپيۋتەرلىك عىلىمدار سالاسى) ءبىلىم العان. 2014 -جىلى كەمبريدج ۋنيۆەرسيتەتىندە ماگيستراتۋرانى ءتامامداعان. ماسكەۋ مەملەكەتتىك ۋنيۆەرسيتەتىندە «Executive Management» باعدارلاماسى بويىنشا وقىعان.

2010-2014 -جىلدارى - لوندون قالاسىنداعى حالىقارالىق كومپانيانىڭ اقپاراتتىق تەحنولوگيالار جونىندەگى مامانى، اقپاراتتىق تەحنولوگيالار باسقارماسىنىڭ مەنەدجەرى، كيبەرقاۋىپسىزدىك دەپارتامەنتىنىڭ ديرەكتورى؛

2014-2016 -جىلدارى قازاقستان رەسپۋبليكاسى ۇلتتىق بانكىنىڭ سيفرلىق تەحنولوگيالار دەپارتامەنتى ديرەكتورىنىڭ ورىنباسارى؛

2016-2017 -جىلدارى - «زەردە ۇلتتىق باسقارۋشى حولدينگى» اكتسيونەرلىك قوعامىنىڭ باسقارما ءتوراعاسى؛

2017-2018 -جىلدارى - «استانا» حالىقارالىق قارجى ورتالىعى باسقارۋشىسىنىڭ كەڭەسشىسى؛

2018-2020 -جىلدارى - «استانا» حالىقارالىق قارجى ورتالىعىنىڭ تسيفرلىق تەحنولوگيالار جونىندەگى باسقارۋشى ديرەكتورى؛

2020-2022 -جىلدارى - قازاقستان رەسپۋبليكاسى ساۋدا جانە ينتەگراتسيا ءمينيسترىنىڭ ورىنباسارى؛

2022-2025 -جىلدارى - «قازپوشتا» اكتسيونەرلىك قوعامىنىڭ باسقارما ءتوراعاسى؛

2025 -جىلعى 8-ماۋسىمدا قازاقستان رەسپۋبليكاسى پرەزيدەنتىنىڭ كەڭەسشىسى بولىپ تاعايىندالدى.

2025 -جىلعى 10-جەلتوقساندا مەملەكەت باسشىسىنىڭ جارلىعىمەن قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى بولىپ تاعايىندالدى.

«قازاقستان رەسپۋبليكاسىنىڭ تاۋەلسىزدىگىنە 30 جىل» مەرەيتويلىق مەدالىمەن (2021) جانە «قۇرمەت» وردەنىمەن (2025) ماراپاتتالعان.

دۇنيەجۇزىلىك ەكونوميكالىق فورۋمنىڭ (WEF) Young Global Leader 2025 قاۋىمداستىعىنىڭ، Global Women Asia Fellow 2024 حالىقارالىق كوشباسشىلىق باعدارلاماسىنىڭ مۇشەسى.