اسكەري شەرۋگە دايىندىق: استانادا ءبىرقاتار كوشە ۋاقىتشا جابىلادى

استانا. KAZINFORM - استانادا وتان قورعاۋشىلار كۇنىنە جانە ۇلى وتان سوعىسىنداعى جەڭىستىڭ 80 جىلدىعىنا ارنالعان شەرۋگە اۋقىمدى دايىندىق باستالدى. وسىعان بايلانىستى 3 -جانە 4-مامىر كۇندەرى ءبىرقاتار كوشەدە ۋاقىتشا شەكتەۋلەر ەنگىزىلەدى.

استانا اكىمدىگىنىڭ مالىمەتىنشە، 3- مامىر كۇنى تاڭعى ساعات 5:00 دەن 6:30 عا دەيىن ا-334 كوشەسى بويىنشا - اقجول داڭعىلى- قوشقاربايەۆ داڭعىلى- مومىش ۇلى داڭعىلى- تاۋەلسىزدىك داڭعىلى ارقىلى اسكەري تەحنيكا وتەدى. اسكەري تەحنيكالار جاتتىعۋ ورنىنا قاراي باعىت الادى.

3-مامىر كۇنى تاڭعى ساعات 5:00 دەن تاڭعى 6:30 عا دەيىن ا-334 كوشەسى بويىنشا - اقجول داڭعىلى- قوشقاربايەۆ داڭعىلى- مومىش ۇلى داڭعىلى- تاۋەلسىزدىك داڭعىلى ارقىلى جاتتىعۋ ورنىنا باعىت العان اسكەري تەحنيكا قوزعالاتىن بولادى.

وسىدان كەيىن بىردەن ساعات 6:30 دان 8:00 گە دەيىن ا-334 كوشەسى بويىنشا - اقجول- قوشقاربايەۆ- امانجولوۆ- ناجىمەدەنوۆ باعىتى ارقىلى پارادتىق جەكە قۇرامدى تاسىمالداۋ باستالادى.

قوسىمشا، ساعات 5:00 دەن 13:00 گە دەيىن تاۋەلسىزدىك داڭعىلى (مومىش ۇلى داڭعىلىنان پانفيلوۆ كوشەسىنە دەيىن) جابىلادى، سونداي-اق اقىرتاس، قالداياقوۆ كوشەلەرىندە جانە قوشقاربايەۆ داڭعىلىندا كولىك قوزعالىسى شەكتەلەدى - تەحنيكا ۋاقىتشا ورنالاسادى.

ساعات 5:00 دەن 14:00 گە دەيىن ق. قۋانىشبايەۆ اتىنداعى مۋزىكالىق- دراما تەاترىنىڭ الدىنداعى تۇراق جابىلادى، سونداي- اق قۋانىشبايەۆ، ناجىمەدەنوۆ، بايتۇرسىنوۆ جانە نۇرماعانبەتوۆ كوشەلەرىندە جەكە قۇرامى بار اۆتوبۋستاردى ورنالاستىرۋ ءۇشىن جول قوزعالىسى شەكتەلىپ، تۇراق ورىندارى جابىلادى.