اسكەري پارادتىڭ جاياۋ شەرۋىن مەملەكەتتىك كۇزەت روتاسى تۇيىندەدى

استانا. KAZINFORM - مەملەكەتتىڭ كۇزەت قىزمەتىنىڭ روتاسىن تاۋەلسىزدىك الاڭىنا «ايبىن» پرەزيدەنتتىك پولكىنىڭ كومانديرى پولكوۆنيك ەرلان عايسا باستاپ شىقتى.

«مەملەكەتتىك كۇزەت قىزمەتى تۋرالى» زاڭ بويىنشا بۇل قۇرىلىم مىنا لاۋازىمدى تۇلعالاردىڭ قاۋىپسىزدىگىنە جاۋاپتى:

1) ق ر پرەزيدەنتى؛

2) ق ر پارلامەنتى سەناتىنىڭ ءتوراعاسى؛

3) ق ر پارلامەنتى ءماجىلىسىنىڭ ءتوراعاسى؛

4) ق ر پرەمەر-ءمينيسترى؛

5) رەسپۋبليكا پرەزيدەنتىنىڭ زايىبى (جۇبايى) جانە پرەزيدەنتپەن بىرگە تۇراتىن باسقا دا وتباسى مۇشەلەرى؛

6) ق ر ەكس-پرەزيدەنتى؛

7) ق ر پرەزيدەنتى بەكىتەتىن تىزبەگە كىرگەن قازاقستان رەسپۋبليكاسىنىڭ لاۋازىمدى ادامدارى؛

8) قازاقستانعا ساپارلاي كەلگەن شەت مەملەكەتتەردىڭ باسشىلارى، شەت ەلدەردىڭ پارلامەنتى مەن ۇكىمەت باسشىلارى؛

9) قازاقستانعا ساپارلاي كەلگەن حالىقارالىق ۇيىمداردىڭ باسشىلارى مەن شەت مەملەكەتتەردىڭ وزگە دە ادامدارى (ق ر پرەزيدەنتىنىڭ نەمەسە ونىڭ تاپسىرۋىمەن پرەزيدەنتى اكىمشىلىگى باسشىسىنىڭ وكىمدەرى نەگىزىندە).

سونداي-اق، بۇل جاساق مەملەكەتتىك تۋ مەن ەلتاڭبا ەتالوندارىندا قۇرمەتتى قاراۋىل اتقارادى.

ايتا كەتۋ كەرەك، بۇگىنگى اسكەري شەرۋگە 4 مىڭنان استام اسكەري قىزمەتشى، 200 دەن استام اسكەري تەحنيكا، 66 ۇشۋ اپپاراتى تارتىلعان.

سونداي-اق، پارادتا بيىل ساتىپ العان سۋ جاڭا Airbus ا-400 اسكەري- كولىك ۇشاعى العاش رەت قاتىسىپ وتىر. ارميالىق مي-17، مي-171 ش، مي-35 جانە كولىكتىك س-295، تۋ-154 م، ل-410 ۇشاقتارى، سۋ-30 س م، سۋ-25 جويعىش ۇشاقتارى، ل-39 وقۋ- جاۋىنگەرلىك ۇشاعىنىڭ ەكيپاجدارى شەرۋدىڭ ايبىنىنا اۋەدەن ايبىن قوستى.

اۆتور

ەسىمجان ناقتىباي