Ashyq-تى قانشا قازاقستاندىق بەلسەندى قولدانادى
بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگىدە الماتى قالاسى ۇلتتىق كاسىپكەرلەر پالاتاسى ديرەكتورىنىڭ قۇقىقتىق ماسەلەلەر جونىندەگى ورىنباسارى سالتانات لەسبايەۆا ايتتى، دەپ حابارلايدى قازاقپارات ءتىلشىسى.
سپيكەردىڭ ايتۋىنشا، قازاقستان اۋماعىندا 10932 بيزنەس سۋبەكتىسى Ashyq جوباسىنا تىركەلدى. سونداي-اق 524 كاسىپكەر ءوتىنىم بەرگەن. قوسىمشانى 4 ميلليون قازاقستاندىق بەلسەندى قولدانادى. ونىڭ باسىم بولىگى - الماتى تۇرعىندارى. ساراپشىلار كۇنىنە شامامەن 200 مىڭ سكانەرلەۋدى ەسەپتەيدى.
«بۇگىندە جوبا قازاقستان بويىنشا «قىزىل» مارتەبەسى بار 5088 جانە «سارى» مارتەبەسى بار 4998 كەلۋشىنى انىقتادى. بۇل 3 ماۋسىمداعى ناتيجەلەرمەن سالىستىرعاندا 3107 كەلۋشىگە كوپ. جوبا ءوز تيىمدىلىگىن كورسەتتى. اسىرەسە اۋەجايداعى جۇمىس ءونىمدى»، - دەدى سالتانات لەسبايەۆا.
بۇعان دەيىن، ول نۇر-سۇلتان قالاسىنىڭ اۋەجايىندا «قىزىل» ستاتۋسپەن 252 جاعداي، الماتى اۋەجايىندا 171 ادام تىركەلگەنىن ايتقان بولاتىن.
اۆتور: الما مۇقانوۆا
