Ashyq قوسىمشاسىندا اقاۋ پايدا بولدى
«قازىر تەحنيكالىق اقاۋلارعا بايلانىستى Ashyq قوسىمشاسىندا مارتەبەنى شىعارۋ مۇمكىندىگى بولماي تۇر. ءبىز جوندەۋ جۇمىستارىن جۇرگىزىپ جاتىرمىز. ۋاقىتشا قولايسىزدىقتار ءۇشىن كەشىرىم سۇرايمىن»، - دەپ جازدى ول Facebook-تەگى پاراقشاسىندا.
مينيسترلىك وكىلى Ashyq-تاعى تەحنيكالىق اقاۋلار جويىلعانشا باسقا قوسىمشانى قولدانۋدى ۇسىندى.
«بىرنەشە اپتا بۇرىن BTS كومپانياسى Ashyq قوسىمشاسىن Aitu-مەن ينتەگراتسيالاۋدى ۇسىنعان بولاتىن. ءبىز كەلىستىك، سەبەبى مۋلتيپلاتفورمالىق قاعيدانى ۇستانامىز، مىسالى مەملەكەتتىك قىزمەتتەردى بانك قوسىمشالارىنا شىعارىپ ەدىك قوي، سول سياقتى. نەگە Aitu؟ بىرىنشىدەن، BTS - مەملەكەتپەن جۇمىس ىستەگەن كومپانيا. ياعني ولار دەرەكتەردىڭ قاۋىپسىزدىگىن قامتاماسىز ەتۋ بويىنشا جاۋاپكەرشىلىك تۋرالى مەموراندۋمعا قول قويعان. ەكىنشىدەن، Aitu دا Ashyq سياقتى جاي عانا قۇرال، وندا پ ت ر رەسپۋبليكالىق بازاسىنداعى مالىمەتتەر ساقتالمايدى، تەك قانا قاجەتتى اقپاراتتى ءبىر رەتتىك كورسەتىلىم ءۇشىن «تارتادى»، - دەپ جازدى ۆيتسە-مينيستر.
ونىڭ ايتۋىنشا، Ashyq قوسىمشاسى قازىر Aitu پلاتفورماسىندا پيلوتتىق تارتىپتە جۇمىس ىستەۋدە. كەيىن رەسمي تۇردە ينتەگراتسيالاۋ ۇيىمداستىرىلماق.
«Aitu-داعى Ashyq-تى قالاي قولدانۋ كەرەك؟ سىلتەمەسى ارقىلى ءوتىپ، Aitu قوسىمشاسىن جۇكتەپ، «قوسىمشالار» بولىمىندە «Ashyq» ەنگىزىپ، ورناتاسىزدار. ايتا كەتۋ كەرەك، جۋىردا Ashyq فۋنكسيونالى ءۇشىنشى قوسىمشادا دا پايدا بولادى. ءبىز مۋلتيپلاتفورمالىق قاعيدانى ۇستانامىز»، - دەدى اسەت تۇرىسوۆ.
ايتا كەتەيىك، كارانتيندىك شەكتەۋ شارالارىنا قاراماستان، Ashyq جوباسىنا قوسىلعان كاسىپكەرلىك نىساندارعا جۇمىسىن قايتا باستاۋعا رۇقسات ەتىلگەن بولاتىن. ازاماتتار ۇيالى تەلەفوندارىنا موبيلدىك قوسىمشانى جۇكتەپ، عيماراتقا كىرەبەرىستەگى QR كودتى سكانەرلەۋ ارقىلى كوروناۆيرۋسقا قاتىستى ءوز مارتەبەسىن كورسەتۋى ءتيىس. مارتەبەسى «كوك» جانە «جاسىل» ءتۇستى ازاماتتارعا عانا نىساندارعا كىرۋگە رۇقسات.
اپتا باسىنداعى ۇكىمەت وتىرىسىندا دەنسساۋلىق ساقتاۋ ءمينيسترى الەكسەي سوي Ashyq جۇيەسىنىڭ كومەگىمەن «قىزىل» جانە «سارى» مارتەبەمەن 3256 ادام انىقتالعانىن ايتقان بولاتىن. كوروناۆرۋسقا قارسى اكسينا العاندار Ashyq جۇيەسىندە جاسىل تۇستە بولادى. «Ashyq» قوسىمشاسىنداعى ستاتۋستى ۇيدەن شىقپاي-اق تەكسەرۋگەمۇمكىندىك جاسالعان ەدى.
