اسحات تاعىبەرگەننىڭ دانيا قاقپاسىنا سوققان گولى ەۋروپا چەمپيوناتىندا ۇزدىك بولدى
فۋتبولدان قازاقستان قۇراماسىنىڭ جارتىلاي قورعاۋشىسى اسحات تاعىبەرگەننىڭ دانيا قاقپاسىنا سوققان گولى 2024-جىلعى ەۋروپا چەمپيوناتىنىڭ ىرىكتەۋ ساتىسىنداعى ۇزدىك اتاندى، دەپ حابارلايدى Kazinform.
ۇلتتىق قۇراما كاپيتانى اسحات تاعىبەرگەن 26- ناۋرىز كۇنى 86-مينۋتتا كاسپەر شمەيحەلدىڭ قاقپاسىنا گول سوققان ەدى. سول ويىندا ءبىزدىڭ قۇراما 3:2 ەسەبىمەن جەڭىسكە جەتتى.
ۋ ە ف ا- نىڭ تەحنيكالىق قاداعالاۋشى ماماندارى قۇرلىقتىق دودانىڭ ىرىكتەۋ ساتىسىنداعى ۇزدىك ون گولدى انىقتاعان ەدى.
ودان كەيىن جانكۇيەرلەردىڭ داۋىس بەرۋىنە مۇمكىندىك جاسالدى.
ۋ ە ف ا- نىڭ تەحنيكالىق قاداعالاۋشى ماماندارى اسحات تاعىبەرگەننىڭ الىستان سوققان گولىن سەگىزىنشى ورىنعا لايىقتى دەپ ساناعان ەدى. ال جانكۇيەرلەر اراسىندا ول ءبىرىنشى ورىنعا شىقتى.
ەكىنشى جانە ءۇشىنشى ورىندارعا البانيا قۇراماسىنىڭ ويىنشىلارى ياسير اساني مەن كريستيان اسلانيدىڭ سوققان گولدارى لايىقتى دەپ باعالاندى.
