اسحات ايماعامبەتوۆ حالىقتى «شەكتىك» شكالامەن ەمدەۋگە قارسى شىقتى

 الەۋمەتتىك مەديتسينالىق ساقتاندىرۋ قورىنا (ءا م س ق) كەم دەگەندە 2 تريلليونعا جۋىق قاراجات تۇسپەي قالدى.

асхат аймағамбетов
Фото: Фото:pixabay.com

بۇل تۋرالى پارلامەنت ماجىلىسىندە دەنساۋلىق ساقتاۋ تاقىرىبىنا ارنالعان ۇكىمەت ساعاتىندا دەپۋتات اسحات ايماعامبەتوۆ ايتتى، دەپ حابارلايدى Kazinform اگەنتتىگى.

«بىزدە ادامداردى تولىعىمەن ەمدەۋگە قاراجات جەتىسپەي جاتىر. سوعان بايلانىستى قارجى تاپشىلىعىن شەشۋ ءۇشىن كەزىندە مىندەتتى الەۋمەتتىك مەديتسينالىق ساقتاندىرۋدى (م ءا م س) ەنگىزۋ شەشىمى جاسالدى. بۇل تۇرعىدا بيۋدجەتتەن بولىنەتىن قاراجاتقا قوسىمشا ازاماتتار مەن جۇمىس بەرۋشىلەردىڭ جارناسىن قوسىپ، وسى ماسەلەنى شەشۋ ەسكەرىلگەن. ءبىراق باستاپقىدا ەنگىزىلگەن قادامدار دۇرىس ىسكە اسىرىلماي قالدى. اتاپ ايتقاندا، كەم دەگەندە 2 تريلليونعا جۋىق قاراجات وسى قورعا، ياعني قاراپايىم ادامداردىڭ ەم- دومىنا جەتكەن جوق»، - دەدى ا. ايماعامبەتوۆ Kazinform ءتىلشىسىنىڭ سۇراعىنا جاۋاپ بەرە وتىرىپ.

دەپۋتاتتىڭ ايتۋىنشا، وسى جىلدىڭ اقپان ايىنان بارلىق مەديتسينالىق قىزمەتتەرگە «شەكتىك» شكالا ەنگىزىلدى. «شەكتىك» شكالا دەگەنىمىز - ءار مەديتسينالىق قىزمەت ءتۇرى بويىنشا، ءار ەمحاناعا ناقتى بەلگىلەنگەن كۆوتا ءتارىزدى مەحانيزم. بۇل ءادىس قاراجاتتىڭ جەتىسپەۋىنە بايلانىستى ەنگىزىلدى. دايىندىقسىز قابىلدانعان شەشىمنىڭ كەسىرىنەن، مىڭداعان ادام ۋاقىتىلى قىزمەت الا الماي قالدى. اۋرۋحاناعا كەلگەن ناۋقاسقا «شەكتىك» شكالا اياسىندا وسى ايدا اقشا تاۋسىلدى دەپ، كەلەسى ايلاردى كۇتۋ كەرەك دەپ ءتۇسىندىرۋ دە - نونسەنس.

«قاراجات جەتكىلىكسىز بولعاسىن دەنساۋلىق ساقتاۋ مينيسترلىگى وسى شكالانى ەنگىزۋگە ءماجبۇر بولدى. وسى تاپشىلىق سالدارىنان ولار بولىنگەن بيۋدجەت قاراجاتى اياسىندا قىزمەت كورسەتەدى. ماسەلەن، ناۋقاستار تراۆماتولوگياعا قاي كەزدە باراتىنىن جوسپارلاي المايدى عوي، تۇرعىندار كەز كەلگەن ۋاقىتتا قول- اياعىن زاقىمداپ الۋى مۇمكىن. الايدا بۇل اۋرۋحانالارعا مينيسترلىك شەكتى شكالانى بەرىپ قويعان. ياعني وسى ايدا قولى سىنعان 15 ادامعا قاراجات بولىنەدى دە، 16-شى ادامعا قاراجات قاراستىرىلماعان. مۇنداي شكالا دۇرىس ەمەس»، - دەدى اسحات ايماعامبەتوۆ.

ونىڭ پايىمىنشا، «شەكتىك» شكالا ازاماتتارىمىزدىڭ ناقتى ءبىر دارىگەرگە كورىنۋىنە قيىندىق اكەلدى.

سونداي- اق ا. ايماعامبەتوۆ مىندەتتى الەۋمەتتىك مەديتسينالىق ساقتاندىرۋ جۇيەسىنە 1 تريلليون تەڭگەگە جۋىق قاراجات تۇسپەي قالعانىن ءمالىم ەتتى.

سوڭعى جاڭالىقتار